1 Peteli 5:2 - Tesitamenti Umupwa 1965

² nkuti: Mudimajʼahinza idimilo lya Mulungu lye muli nalyo, mulisunjililaje. Mutavanje fwe ngati shimo shivaṿijilizizye ndali, nkandi musungwaje mwemwe mweka inza shʼakasimʼuMulungu. Vutavatumaje vwe vulonsi uvuvivi ndali, nkafidi ge moyo;

ULufingwi uLupwa

² muyidiimaje ahinza impuga iya Mulungu ye yili kuli imwe. Mutavhombaje vhwevhulo fwe wumo akuvhavijiilizya, nkandi muvhombaje ku mwoyo uwa kuyifumwa mweneemwe, inza vwe uMulungu akwanza. Havhili mutavhombaje imbombo iyo kuzya kulonshela impiiya izya nsoni, nkandi ku mwoyo uwa luseshelo.

1 Peteli 5:2 ပူးပေါင်းရင်းမြစ်များ

uLuuka 12:32

Kwe ndali nkutetema lelo we hadimilo hansʼiwe, shʼuSo akumbusilʼukuvapʼuvumwene imwe.

iMbombo izya Vhatumwa 20:29

She zye manyilʼine ukuti lwe nasogola, pe galivinzilʼamapumpi ge gatalilipepelezyʼidimilo.

iMbombo izya Vhatumwa 21:13

UwenʼuPavuli ahamula ahati: Mukuhonzya vuli? Mukukuta shonu nukumṿunzʼumwoyo? Shʼine ntitisile kwe kukungwa kweka ndali, kwope nakwe kufwila mu-Yelusalemu pazyʼizina lya Mwene Yesu nitisilʼine.

VaLoma 1:15

Mwe mumwo lelo munsivo zyane nkusungwʼukuvavuzya namwe va mu-Loma Ivangeli.

1 VaKolinti 9:7

Musikali vuli wʼakuyilipila weka muvulugu? Unanu wʼakuvwalʼamampensya shisitakulyʼinsanga zyakwe? Unanu wʼakudimʼidimilo shisitakungʼwelʼiziva lyʼidimilo?

1 Timoti 3:3

Pakuti atavanje wushingwʼezi, nga wʼivo, avanje mutelefu, umusitakulwa, atavanje mupapilampiya,

uTiiti 1:11

Ve pakuti umuntu avaṿumbatizyaje kwilomu. Avene vakuṿwalanganyʼinyumba yonti mwe zivaliye lwe vakusambilizya zye zilʼumwiho she vakwanzʼuvulonsi vwa nsoni.

uTiiti 1:7

Shʼubishopo pe pakuti avanje muzelu vwelele izya kumuyanga, alolehaje ukuva musungashuma wa Mulungu, wʼatakulandatʼulukasamo lwakwe wuyo weka, atavanje mupupusu ukuṿitwa, nga wushingʼwezi, nga wʼivo, iṿwa kulonka atalonkaje mwe muvifile.

uTiiti 2:14

wʼatufwiliye ukuti atutavuzyaje kuvusitankomelezyo vwonti, havili ukuti ayizelufizyaje uluho lwe nsavo yakwe nzila, lwa vantu ve vakuyikungula kumbombʼinyinza.

uTiiti 3:1

Uvakumbusyaje vakonzaje nakuvahatansi nakuvamwene, vavasajile, vengupaje mumbombʼinyinza zyonti.

Filemoni 1:14

Ine nyene ntakasime ukuvomba nazimo shisitakuzimanyʼiwe, ukuti inyinza zyʼukuvomba zitavanje zya kuṿijilizilwa nkandi zivanje zya muvusatushe.

VaHebuli 12:15

Mwenyaje numo atavugunjilaje Uvwila ṿwa Mulungu, nalimʼizi lya vuhali litaduṿwaje ilya kuvahatamfwa, ilya kuvahandamanya ve vinji.

2 Peteli 2:3

Mumpapilo valivasheṿwʼimwe ninongwʼinyata izya kulonchela mumwo ṿimʼavene. Vʼukulongwa kwavo kufuma he hali kutakuhava, nuvutupulwa vwavo vutakusupila.