1 Peteli 4:2 - Tesitamenti Umupwa 1965

² Ilelo amaha ge gasyaye aga vulanzi vwa mumuvili ge mutalandate mumpapilo zya vantu ndali, nkandi muli zizyo zyʼakasimʼuMulungu.

ULufingwi uLupwa

² Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

1 Peteli 4:2 ပူးပေါင်းရင်းမြစ်များ

Matayi 12:50

Shʼuno wʼakuvomba zizyo zyʼakasimʼuTata wa kumwanya ukuti zivombwaje, we wamwitʼine, we mwanawitʼumulindʼine, we wʼumayi ine wuyo.

Matayi 20:4

Vope ahavavuzya ahati: Namwe muvale mumugunda wane wa mampensya, nkuvapa ṿwe muyanine naṿwo.

Matayi 21:31

Ve vavili vanava lelo, unanʼazilandite zyʼakasimʼuyise? Vahati: We wa vuvili. PʼuYesu ahavavuzya ahati: Navasonkolamusonko navantandʼavamalaya vakuvashilʼimwe ukwinjila mushinamwene sha Mulungu.

Matayi 7:21

Te vonti ve vakuntahʼine vakuti: Mwene Mwene valiyinjila mushinamwene sha kumwanya, nkandi vonti ve vakuvomba zizyo zyʼakasimʼuTata wa kumwanya.

Maliko 3:35

Shʼuno wʼakuvomba zizyo zyʼakasimʼuMulungu, we wamwitu wuyo, we mwanawitʼine, we wʼumayi ine wuyo.

Maliko 7:21

She mumwoyo wa muntu muhati, mwe zikufumʼinsivʼimbivi zyonti, nuvwamalaya, nuvwiva, nuvugozi,

Yohani 1:13

ve vatapafilwe namumavanda, namwʼakasimʼumuvili, namwʼakasimʼumuntʼumwanaṿuli ndali, nkandi mumwakwe uMulungu.

Yohani 7:17

Uno wengʼakuti mbombe zizyo zyʼakasime Wuyo, wʼakuzimanyʼinongwa zye nkuvavuzyʼine kwe zifumile, ukuti inga zifumile kwa Mulungu, inga nashe zyane nene.

VaLoma 12:2

Mwandaje mutayiholanyaje ninsʼino ndali, mwanduhaje mwidala lya kupelwʼuvupwa munsivo zyinyu; pe namwe mulizimanyinsanya zyʼakasimʼuMulungu, nazye nyinza nazyʼakuzishelʼuwene nizya vulunjisu.

VaLoma 14:7

Mulʼiswe swenti atalipo numo wʼakuyilandilila weka, havili atalipo numo wʼakuyifwila weka.

VaLoma 6:11

She muhonzyaje vovulo namwe, muyimanyaje ukuti mufuye kuvutalamalandu. Apene lwe mukulandila pe mwe va Mulungu mwa Chilisiti Yesu.

VaLoma 6:2

Zye ndali ukushela zinizi! She swe vafwe muvutalamalandu pe tungasyala mumwo vulivuli?

VaLoma 7:4

Namwe vovulo, mumuvili wa Chilisiti mufuye kunkomelezyo, ukuti muvanje mwe va wunji, va wuyo wʼahazyuha kuvafwe ukuti tumuhomelajʼuMulungu insanga.

2 VaKolinti 5:15

Apene lelo lwʼavafwiliye vontʼuwene, pʼahavafwila ukuti lwe vakulandila vatavanje vavo vuvo veka ndali, nkandi va wuyo wʼavafwiliye nukuvazyushila.

VaEfeso 2:3

naswe lulwo tuhajendaga mumwo lwe tukuzyitihʼimpapilo zya muvili wa mbivi, tuhavomba yiyo yʼahatutumagʼumuvili witu wa mbivi, nizya nsivo zyitu naswe twali swe vana va mulaha inza she navanji.

VaEfeso 4:17

Ilelo zizyo nkuvavuzya nkuvahomeshezya mwa Mwene ukuti muleshʼukujenda inza she vakujendela navakunzi muzya mupumpu wa nsivo zyavo.

VaEfeso 5:17

Mwe mumwo mutavanje mwe vawelewele, nkandi mulumanyinsanyaje ulukasamo lwa Mwene ṿwe luli.

VaEfeso 6:6

te mwe muvuzya vwa muminso vwelele inza she vakuhonzya ve vakwanzʼuvwankundwa kuvantu, nkandi muholanaje navanyamata va Chilisiti lwe mukuvomba numwoyo wonti zyʼuMulungu akasime,

Kolosi 1:9

Pe naswe tuhandʼumusanya wuyo lwe twiṿwa zinizi, tuhasita ukutuzya ukuvaputilʼimwe nukulava ukuti mwizulaje uvumanyinsanyi vwa lukasamo lwakwe, ukuti mulumanyinsanyaje munjele zyonti namuvusinkamizyo vwʼakupelʼuMupepo,

Kolosi 3:3

She mwafuye, shinishi lelo pʼuvulanzi vwinyu vuṿwamile poka nuChilisiti mwa Mulungu.

Kolosi 4:12

Akuvalamuhʼimwe nuEpafula wʼafumile kumwinyu, umunyamata wa Chilisiti Yesu, wʼakuvalwila shimʼimwe mumputo zyakwe, ukuti musi mpaje muvulunjisu, havili ukuti mukwilaje mulukasamo lwa Mulungu lwonti.

1 VaTesaloniki 5:18

muli zyonti musalifwaje, shʼulu lwe lukasamo lwa Mulungu mwa Chilisiti Yesu kulʼimwe.

VaHebuli 13:21

wʼavapanje uvulunjisu mumbombʼinyinza zyonti ukuti muvombaje zizyo zyʼakasime wuyo, lwʼakupela mumwitu Zye zihondeye kuminso gakwe mwe mwa Yesu Chilisiti wʼali muvumwamu shimashima nakuvusitakusila. Amen.

Yakobu 1:18

Uwene inza shʼakasime wuyo ahatupapa mwizwi lya vwanalyoli, ukuti tuvanje swe va kutomola muṿipelelwa ṿwakwe.

1 Peteli 1:14

Inza shʼavana va lusajilo mutayiholanyaje nimpapilo zyinyu zye muhapapilaga lulwo muvusitavumanyinsanyi,

1 Peteli 2:1

Mwe mumwo lelo mutagaje ukutali ulombwa lwonti nishifumbo shonti namafuji ningulumwo nuvukwakwa vwonti.

1 Yohani 2:17

Ilelʼiyenʼinsi yikwepa poka nimpapilo zyakwe. Nkandʼuwenʼuno wʼakuvomba zyʼakasimʼuMulungu wʼakuva shima.