1 Peteli 3:2 - Tesitamenti Umupwa 1965

² lwe venyizye umushinzi winyu umuzelu we muli nawo mulunyilo.

ULufingwi uLupwa

² lwe vhakulola ulujendo lwinyu ulwinza, havhili ulwa kumunyila uMulungu.

1 Peteli 3:2 ပူးပေါင်းရင်းမြစ်များ

VaEfeso 5:33

Namwe pakuti muvakundajʼavashi vinyu, unʼuwakwe unʼuwakwe, inza she muyikunzite mwemwe mweka. Uwenʼumwantanda we pakuti amunyilajʼumulume.

VaEfeso 6:5

Namwe mwe vazya muvasajilaje avapiti vinyu muvuntu, muvanyilaje nukutetema shisitakusiva inyinji mumoyo ginyu, inza she mukuhonzya kwa Chilisiti,

Filipi 1:27

Nkandi ulujendo lwinyu luvanje inza ṿwe zihondeye mwIvangeli lya Chilisiti, ukuti nashenga nkwinza nukuvenyʼimwe nashenga ndʼukutali niṿwaje izyinyu ukuti musimfile mumupepo woka, ukuti muli numwoyo woka lwe mukulwa pazya lwitiho lwʼIvangeli.

Filipi 3:20

Shʼuvuhaya vwitu vuli kumwanya, kwe gope naminso gitu genyizye, she tukuti kwʼakufuma uMuposhi uMwene Yesu Chilisiti,

Kolosi 3:22

Mwe vazya, muvasajilaje muli zyonti avapiti vinyu muvuntu, mutavavombelaje peka penga vakuvenya fwe ngati mukwanzʼuvwankundwa kuvantu ndali, muvavombelaje shisitakusiva inyinji mumoyo ginyu lwe mukumunyilʼuMwene.

1 Timoti 4:12

Numo atakusufwaje uvunsi ndali, nkandi uyipelajʼukuva we wa kwenyelezya mumwʼavitisi mumazwi namulujendo namushikunzi namulwitiho namuvuzelu.

1 Peteli 1:15

nkandi inza she mufinjile wʼavisitʼimwe, namwe muyipelajʼukuva mwe vafinjile mulujendo lwinyu lwonti,

1 Peteli 2:12

Ulujendo lwinyu muvakunzi luvanje lwinza, ukuti muli zila zye vakuvaholelʼimwe fwe ngati mwe vavombambivi, mwisinda mumbombo zyinyu zye nyinza lwe zikuloleha kuminso gavo vamushindishʼuMulungu kwisiku lya kwinzilwa.

1 Peteli 3:1

Vovulo namwe mwe vantanda, muyikonzyaje kuvalume vinyu, ukuti nava venga vakusitʼukusajilʼizwi valonkwaje mwe mumushinzi wa vashi vavo nashenga vatayanzile nalimʼizwi,

1 Peteli 3:3

Avantanda pakuti vatayembaje lye liyembo lya munzi ilya munsisi utumeho nilya tuntu twa sahabu nilya kuzwalʼiṿizwalo ndali,

2 Peteli 3:11

Ilelo she muwenyi ṿwonti ṿiniṿi ukuti ṿiliyenguha vovulo pe muvanje mwe vafinjile nkani mulujendo namuvunyilaMulungu,