1 Peteli 2:2 - Tesitamenti Umupwa 1965

² Inza shʼavana avacheche musungwajʼiziva lya njele isitashifumbo, lye livakuzyaje nukuvatwala kuvupokwa,

ULufingwi uLupwa

² Inza avhaana avhacheeche vwe vhakusungwa kwonka, niimwe musungwaje nkaani kumwela izivha ilyinza lye lizwi lya Mulungu, inga mukule mu vhuposhi.

1 Peteli 2:2 ပူးပေါင်းရင်းမြစ်များ

Matayi 18:3

ahavavuzya ahati: Nalyoli nkuvavuzyʼine nkuti: Inga mutakuyandula, inga mutakuyipelʼukuva fwe vana, pe mutaliyinjila mushinamwene sha kumwanya.

Matayi 19:14

UwenʼuYesu ahati: Simuvaleshʼavana vinze kukwane, mutavahasamihaje. Shʼishinamwene sha kumwanya sha vuvo venga vali vovulo.

Maliko 10:15

Nalyoli nkuvavuzyʼine nkuti: Uno wengʼishinamwene sha Mulungu atakushiposhela fwe mwana, wʼataliyinjila nalumo.

uLuuka 18:17

Nalyoli nkuvavuzyʼine nkuti: Uno wengʼishinamwene sha Mulungu atakushiposhela fwe mwana, wʼatalivalʼukwinjila nalumo.

VaLoma 6:4

She twasyililwe poka nawo pala pe twozelilwe muvufwe vwakwe, ukuti naswe tujendaje muvupwa vwa vulanzi inza shʼuvumwamu vwa Yise vuhamuzyusyʼuChilisiti kuvafwe.

1 VaKolinti 14:20

Mwe vamwitu, zye ndali ukuyipelʼukuva vana munjele, nkandi kumbivi kwe muyipelaje ukuva mwe vacheche. Kuzya njele nyene kwe muyipelaje ukuva mwe vakuzi.

VaEfeso 2:21

Wʼuvuzenje vwonti vukukula inga tulemine mwe mumwakwe wuyo utuntu twakwe twonti ukuyipelʼukuva tempelʼimfinjile mwa Mwene.

VaEfeso 4:15

nkandi tulandate zye zya nalyoli mushikunzi, tukulaje, tumalilizyaje zyonti mwe mumwakwe wuyo uChilisiti, we litwe.

2 VaTesaloniki 1:3

Pe pakuti shima tuvagwilajʼulupi imwe kwa Mulungu, mwe vamwitu, she zye zihondeye, shʼulwitiho lwinyu lukuzile lulusizye, shope nishikunzi shinyu she mukukundana mwe muvaliye shiṿuzile,

1 Peteli 1:23

She mupafilwe uvupwa, te mwe mumbeyu yʼikuvola ndali, nkandi mumbeyu insitakuvola, mwe mwizwi lya Mulungu ilanzi lye likuva shimashima.

2 Peteli 3:18

Mukulaje lelo muvwila namuvumanyinsanyi vwa kumumanyʼuMwene witu nuMuposhi uYesu Chilisiti. Uwene ali nuvumwamu shinishi napisiku lyʼuvusitakusila vuliyanda.