Ugunulo 21:11 - Kilagane Kisha (Kenya)

¹¹ Mudzi uu were unang'ala mulangaza wa Mulungu. Mulangaza uwo were unang'ala zhomu dza viryahu mawe ga th'amani ga jasipa gang'alazho. Pia mudzi uu were unanyesa here kilolo.

Ugunulo 21:11 ပူးပေါင်းရင်းမြစ်များ

Ugunulo 15:8

Na wo mosi wa nguma na wadimi wa Mulungu ukiridzaza ro hekalu. Bai k'ahana mut'u ariyedima kwangira kahi za ro Hekalu muhaka garyahu mapigo mafungahe ga o malaika afungahe gakigoma.

Ugunulo 22:1

Gonya ye malaika akinanyesa muho wa madzi ga uzima, umbolao kula kahi za cho kihi cha endzi cha Mulungu na cha iye Mwana Ng'ondzi. Muho uu were unang'ala-ng'ala here kilolo.

Ugunulo 22:5

Kahi za mudzi uwo, k'akundakala na usiku kaheri, na at'u k'amandahenda haja na mwanga wa taa hedu wa dzuwa, mana Bwana Mulungu ndiye andiyekala mulangaza wao. Na bai mandathawala kare na kare.

Ugunulo 4:3

Ye mut'u were anang'ala-ng'ala here mawe ga th'amani, na cho kihi cha endzi chere kidzadengerekwa ni kisiki cha v̱ula kirichokala kinang'ala here iwe ra th'amani ra chani kitsi.

Ugunulo 4:6

Kidza kwere kuna ut'u here bahari ya kilolo iriyokala inanyesa lwazu-lwazu. Haho kahikahi kukidengereka cho kihi cha endzi kwere kuna zhumbe vine zha moyo virizhokala vi thele matso mbere na nyuma.