Ugunulo 18:8 - Kilagane Kisha (Kenya)

⁸ Bai kwa ut'u uu, andapata mapigo ga manyonge, kiriro, na ndzala siku mwenga. Na kidza andakundywa moho, mana iye Bwana Mulungu andiyemuhukumu, nde mwenye nguvu zosi.”

Ugunulo 18:8 ပူးပေါင်းရင်းမြစ်များ

Ugunulo 17:16

Zizo p'embe kumi na riro rinyama udzirorona, zhosi vindamumena ye mwanamuche malaya. Mandamuhendya akale huhu na kumuhoka zhosi arizho nazho akale tsululu. Mandamutharura-tharura na mamwangamize na moho.

Ugunulo 18:19

Na lola marira na kushikithika. Makidzimwagira mitsanga ya kitswa na kuamba, “Undamanya wenye mudzi uwo mubomu. Mudzi uriwo kukirira na uwo uthajiriwe, waahenda mathajiri o at'u enye meli mo baharini. Vino vivi udzangamizwa kwa muda wa saa mwenga.”

1 Akorintho 10:22

Fukihenda vizho fundakala funamala kumwangiza wivu Bwana, na siswi k'ahuna nguvu kumukira iye.

Ugunulo 19:3

Bai makiluta mimiro yao kaheri makiamba, “H'aleluya! Uwo mosi umbolao kahi za wo moho umuochao ye malaya unaenderera kwenda dzulu hatha kare na kare.”

Ugunulo 18:17

Uwo uthajiriwe wosi udzangamika kwa muda wa saa mwenga thu-thu-thu.” Ao abomu a zo meli, o mabaharia, o azharo na osi mariokala madzagwirwa mukono ni yo bahari maima kure.

Ugunulo 17:18

Iye mwanamuche udziyemona, ni wo mudzi mubomu uathawalao o athawali a urumwengu.”

Ugunulo 11:17

Makiamba, “Huna muv̱era h'ewe Bwana Mulungu, mwenye nguvu zosi. Mulungu uriyekalako na uriyeko. Huna muv̱era kwa kukala udzahala wadimio mubomu na udzaandza kuthawala.