Ugunulo 18:23 - Kilagane Kisha (Kenya)

²³ Taa k'arindaaka kaheri mumu mwako. Kidza k'akundakala kaheri na kuhala, hedu kuhalwa. Kwani ahendzio a biashara were ndo at'u abomu haha ts'i, na uwe waakenga at'u osi matoao mo urumwenguni na wo utsaiwo.

Ugunulo 18:23 ပူးပေါင်းရင်းမြစ်များ

Ugunulo 18:3

Vivi zhakala kwa kukala kila kabila ranwa divai ya mathuruthuru ga uzindziwe. Mudzi uwo wazinga na athawali a haha urumwenguni. Ahendi a biashara mathajirika kukirira na zizo th'amaaze mbii zisizo na muhaka.”

Ugunulo 22:15

Ela kuko ndze ya uwo mudzi kundakala na o k'uro, kundakala atsai, azindzi, alagi, at'u mavoyao vizuka na at'u mahendzao ulongo.

Ugunulo 21:8

Ela at'u osi aoga, na masiokuluhira, na ahendi a maitsi-maitsi, na alagi, na azindzi, na atsai, na mavoyao vizuka, na alongo osi, hat'u hao ni riro ziya ra moho wa baruthi. Na kicho bai ndicho kifwa cha hiri.”

Ugunulo 18:22

Ndani mwako uwe Babiloni, k'amundasikirwa wira upigwao na vinubi, hedu mimiro ya at'u, hedu kusikira apigi a gunda, hedu apigi a kivoti. K'akundasikirwa mumiro wa lwalwa kaheri, kidza k'akundakala na fundhi yoyosi.

Ugunulo 18:9

Na o athawali a urumwenguni mariozinga na kupiga maisha naye, mandihowona wo mosi wakathi andihokala anasha mandamuririra.

Ugunulo 17:5

Haho kidhanguni hakwe were handhikwa dzina ririro k'arimanyikana manaye. Na dzina renye ndo riri, “MUDZI MUBOMU WA BABILONI, MAMEYE MALAYA OSI, na MAMEYE MATHURUTHURU GOSI HAHA DHUNIANI.”

Ugunulo 17:2

Mwanamuche ariyezinga na athawali na at'u a urumwengu, waahenda maree divai ya wo uzindziwe.”

Ugunulo 22:5

Kahi za mudzi uwo, k'akundakala na usiku kaheri, na at'u k'amandahenda haja na mwanga wa taa hedu wa dzuwa, mana Bwana Mulungu ndiye andiyekala mulangaza wao. Na bai mandathawala kare na kare.

Ugunulo 12:9

Ridzoka riro ratsufwa ts'i. Na riro nde iye nyoka wa kapindi aifwaye Ibilisi, hedu Shethani aukengaye urumwengu wosi. Bai ratsufwa ts'i hamwenga na o malaikae.

Mahendo 8:11

Nao mathuwa go gakwe kwa kukala iye were adzaamasha muda mure.

Ugunulo 6:15

Gonya o athawali a ts'i, abomu, na majemadari a viha, mathajiri na enye wadimi, atumwa na masokala atumwa na at'u angine osi, makidzifitsa p'angani na ts'ini za mawe kuko mirimani.

Ugunulo 9:21

H'aya zho mbai bai, at'u aa makahala kuricha kwalaga, utsai, uzindzi na wivi.