Ugunulo 17:2 - Kilagane Kisha (Kenya)

² Mwanamuche ariyezinga na athawali na at'u a urumwengu, waahenda maree divai ya wo uzindziwe.”

Ugunulo 17:2 ပူးပေါင်းရင်းမြစ်များ

Johana 2:10

na akimwamba, “Kawaida mut'u ni kumboza divai mbidzo kwandza ndo gonya kala at'u madzanwa zhomu zhenye, akamboza yo mbii-mbii, ela we vivi udzayika yo mbidzo hatha vivi ndo unayomboza.”

Ugunulo 14:8

Bai ye malaika arihoziwiwa hambola malaika mungine mwenye akiamba, “Udzagwa! Mudzi mubomu wa Babiloni, udzagwa! Mudzi uriwohenda urumwengu muzima unwe divai ya mathuruthuru ga uzindzi wa kwakwe, udzagwa!”

Ugunulo 17:13

Athawali aa osi kumi mana lengo mwenga, na mandarip'a ro rinyama nguvu na wadimi wa kwao.

Ugunulo 17:17

Kwani Mulungu waahendya mathimize lengore, kwa kuahendya makale angara na kulazha wadimi wao wa kuthawala kwa riro rinyama muhaka go maneno ga Mulungu gandihothimira.

Ugunulo 17:5

Haho kidhanguni hakwe were handhikwa dzina ririro k'arimanyikana manaye. Na dzina renye ndo riri, “MUDZI MUBOMU WA BABILONI, MAMEYE MALAYA OSI, na MAMEYE MATHURUTHURU GOSI HAHA DHUNIANI.”

Ugunulo 17:8

Riryahu rinyama uronaro, rakalako gonya rikifwa. Vivi rindambola kaheri kula kahi za ro ridzina risiro mwisho na rinongwe-nongwe. At'u osi matoao urumwenguni mario madzina gao k'agaorerwe kahi za cho kithabu cha uzima kabila urumwengu k'audzaumbwa, mandangalala zhomu kurona. Kwa kukala rakalako, rikifwa, na vino rinambola kaheri.

Ugunulo 18:23

Taa k'arindaaka kaheri mumu mwako. Kidza k'akundakala kaheri na kuhala, hedu kuhalwa. Kwani ahendzio a biashara were ndo at'u abomu haha ts'i, na uwe waakenga at'u osi matoao mo urumwenguni na wo utsaiwo.

Ugunulo 18:3

Vivi zhakala kwa kukala kila kabila ranwa divai ya mathuruthuru ga uzindziwe. Mudzi uwo wazinga na athawali a haha urumwenguni. Ahendi a biashara mathajirika kukirira na zizo th'amaaze mbii zisizo na muhaka.”

Ugunulo 18:9

Na o athawali a urumwenguni mariozinga na kupiga maisha naye, mandihowona wo mosi wakathi andihokala anasha mandamuririra.

Ugunulo 2:22

Lola nindamugwiza ukongo akale kitandani. Na ao mazingao naye nao kala k'amandathubu gago maut'u mahendago naye, nindaagwiza mashaka mabomu.

Ugunulo 3:10

Na kwa kukala unavumirira here nirizhokulagiza, nindakuthenga na uryahu wakathi wa mashaka undiwokudzaajeza at'u osi mandiokala manaishi haha urumwenguni.

Ugunulo 9:21

H'aya zho mbai bai, at'u aa makahala kuricha kwalaga, utsai, uzindzi na wivi.