Ugunulo 16:10 - Kilagane Kisha (Kenya)

¹⁰ Gonya ye malaika wa tsano akilugwira lo ludhuwa akilumwaga dzulu za cho kihi cha endzi cha riro rinyama. Kiza kikigit'ana gii dzulu za wo uthawali wosi wa ro rinyama na at'u makiluma ndhimi zao kwa utsungu.

Ugunulo 16:10 ပူးပေါင်းရင်းမြစ်များ

Ugunulo 9:2

Bai, irihosundula ro ridzina risiro mwisho lola hachambola mosi here wa ts'andzala. Mosi uu were u gigigi hatha ukihendya dzuwa na uwo mulungu vikale gigigi kiza.

Math'ayo 8:12

Ela o mariotengezerwa wo uthawali enye, mandatsufwa ko ndze kizani, na kuko kundakala na kurira na kwafuna meno.”

Ugunulo 18:23

Taa k'arindaaka kaheri mumu mwako. Kidza k'akundakala kaheri na kuhala, hedu kuhalwa. Kwani ahendzio a biashara were ndo at'u abomu haha ts'i, na uwe waakenga at'u osi matoao mo urumwenguni na wo utsaiwo.

Ugunulo 17:17

Kwani Mulungu waahendya mathimize lengore, kwa kuahendya makale angara na kulazha wadimi wao wa kuthawala kwa riro rinyama muhaka go maneno ga Mulungu gandihothimira.

Math'ayo 22:13

Bai ye muthawali akialagiza ahumikie akiamba, ‘Muhaleni mumufunge mikono na magulu mumutsuhe ko ndze kizani. Na kuko kundakala na kiriro na kwafuna meno.’

Ugunulo 18:21

Gonya hakimbola malaika mwenye wadimi, akihatsola riiwe ribomu here lwalwa, akiritsuha mumo baharini. Akiamba, “Wo mudzi mubomu wa Babiloni nawo undahenderwa vivi zhenye. Undavugurizwa ts'i kwa nguvu na k'aundaonewa kaheri.

Luka 13:28

“Na kuko mundarira na kwafuna meno, haho mundihomona, Burahemu, Isaka, na Jakobu hamwenga na o manabii osini ma kahi za wo uthawali wa Mulungu, ela nwi enye nwi mudzatsufwa ndze.

Math'ayo 24:51

Naye afikaho andakudzamuhala na amutose visiku-visiku, gonya amutsanganye na at'u a kudzihendya. Na kuko at'u mandarira na kwafuna meno kwa utsungu.”

Ugunulo 17:9

“Bai vivi vinahendza ulachu ndo mut'u avielewe. Zho vitswa vifungahe vinaima hat'u ha mirima mifungahe hariho ndiho adzihokeresi ye mwanamuche.

Math'ayo 13:50

Makigonya vizho, mandaahala at'u ai osi maatsuhe mohoni, na kuko mandarira na kufuna meno.”

Math'ayo 13:42

Makila haho maahale makaatsuhe mohoni. Na kuko mandarira na kufuna meno.

Ugunulo 18:2

Bai akinena kwa sauthi ya dzulu akiamba, “Mudzi mubomu wa Babiloni udzagwa benwi udzagwa! Vivi be udzakala mudzi wa mashethani na p'ep'o achafu na ukolo wa kila samupuli. Udzakala kitsunji cha unyama uchafu wa kubururuka wa kila aina, unyama wa kisirani.

Ugunulo 11:10

Na o matoao dhuniani mandaererwa kwa ut'u wa zho vifwa zha aa manabii airi. Mandasherehekea na magerane zawadi kwa kukala manabii aa airi maasirinya sana at'u matoao dhuniani.

Ugunulo 11:8

Na miri yao indagwagwa kahi za ngira bomu za mudzi mubomu ambako ndo arikosulubiwa Bwana wao. Na mudzi uwo kimafumbo unaifwa Sodomu na Misiri.

Ugunulo 11:2

Ela wo muhala uriwo ndze ya ro Hekalu usiupime bule kwa kukala uwo wagerwa at'u mario si Ayahudi. Nao mandauzhoga-zhoga wo mudzi mueri wa Jerusalemu kwa muda wa miezi mirongo mine na miri (siku 1,260).

1 P'et'ero 2:17

Aishimuni at'u osi, kidza ahendzeni ndugu. Mwagoheni Mulungu na mumwishimu muthawali.

Ugunulo 8:12

Gonya malaika wa ne akipiga gundare. Luhande lumwenga lwa dzuwa na mwezi na nyenyezi vikipigwa ili vikatsang'ala. K'akukalire na mulangaza muda wa masaa mane usiku na mutsana.