Ugunulo 12:10 - Kilagane Kisha (Kenya)

¹⁰ Gonya kuko mulunguni kuchambola sauthi bomu ikiamba, “Vivi be Mulungu andathawala, andaaokola at'ue. Na iye Masihiwe andahumira wadimiwe kuthawala dzulu za urumwengu, kwa kukala iye aimaye mbere za Mulungu kuashithaki ndugu zehu usiku na mutsana vivi be wakuingwa kuko mulunguni.

Ugunulo 12:10 ပူးပေါင်းရင်းမြစ်များ

Luka 22:31

Kidza Jesu akiamba, “Simoni, Simoni! Lola Shethani adzamumala ili amuhehet'e dza here mut'u ahehet'azho ngano.

Ugunulo 11:15

Gonya ye malaika wa fungahe akipiga gundare. Nikisikira sauthi bomu ko mulunguni zikinena zikiamba, “Vivi be wadimi wa kuthawala haha urumwenguni ni wa Bwana wehu, na iye Masihiwe. Naye andathawala hatha kare na kare.”

Math'ayo 28:18

Jesu akiasongerera hehi na akinena nao akiamba, “Mimi nagerwa wadimi wosi dzulu mulunguni na ts'i.

Ugunulo 2:26

Ao mandioshinda, na kuenderera kuhenda here nihendzazho hatha mwisho, nindakudzaap'a wadimi dzulu za k'olo.

2 Akorintho 12:9

ela akinamba kukala, “Nema yangu inakuthosha, mana nguvu zangu zikamilika kahi za unyonge.” Kwa vizho ninafwahirwa zhomu ni kudzionyera unyonge wangu, ili kwamba nguvu za Masihi zikakale dzulu zangu.

Luka 11:2

Bai Jesu akiambira, “Kala munavoya ambani, ‘Baba, [Uriye ko mulunguni], Dzinaro narikale rieri, Uthawaliwo naudze, [Mahendzogo nagahendeke kuku ts'i, here gahendekazho ko mulunguni.]

Math'ayo 26:64

Jesu akimwamba, “Udzanena. Nami namwambira ujeri, kula vivi mundamona Mwana wa Mudamu akelesi mukono wa kurya wa Mulungu mwenye nguvu, na anadza kuno a dzulu za maingu.”

Math'ayo 6:10

Uthawaliwo naudze. Mahendzogo nagahendeke kuku ts'i, here gahendekazho ko mulunguni.

Tito 2:3

O anaache athumia nao ambirize makale na mwendo mueri. Masikale at'u a nyambo hedu anwadzi a divai kukira muhaka, ela nimakale at'u a kufundisha madzo-madzo,

1 Akorintho 5:4

Wakathi mukithunganana kahi za dzina ra Bwana Jesu, na roho yangu, na nguvu za Bwana wehu Jesu zikikala hamwenga nanwi,

Ugunulo 7:10

Makiluta mimiro yao zhomu makiamba, “Wokolwi ula kwa Mulungu wehu, ye akelesiye dzulu za cho kihi cha endzi na kula kwa ye Mwana Ng'ondzi.”

1 P'et'ero 5:8

Bai kalani matso na kidza mukale ch'onjo, kwa kukala ye hadhui wenu Shethani be anadengereka kuno na kuno here simba arurumaye kumala mut'u amutharure-tharure.