Ugunulo 11:18 - Kilagane Kisha (Kenya)

¹⁸ At'u mario si Ayahudi mana k'oro, ela wakathi wa kwako wa kwanyesa k'orozo udzafika. Wakathi wa kuhukumu at'u mariofwa na kuap'a zawadi ahumikio, manabii na at'uo, na osi marigohao dzinaro, hariho abomu na athithe. Wakathi udzafika wa kuanonga-nonga ao manongao ts'i.”

Ugunulo 11:18 ပူးပေါင်းရင်းမြစ်များ

Ugunulo 20:12

Nikiona at'u mariofwa, abomu kwa athithe, maungerere mbere za cho kihi cha endzi. Bai vithabu vikivugulwa. K'ona hakivugulwa kithabu kimwenga kaheri, na kithabu kiki were ni cha uzima. Ao at'u mariofwa makihukumiwa kulengana na mahendo gao garigokala gandhikwa mumo vithabuni.

Ugunulo 19:5

Gonya ho henye cho kihi cha endzi hachambola mumiro ukiamba, “Mulikeni Mulungu wehu ninwi ahumikie nyosi, ninwi mumuheshimuo, hariho mubomu hariho muthithe.”

Ugunulo 13:10

Kila ariyethalwa andagwirwa akale mateka, andahendwa vizho. Andiyelaga kwa mushu, naye andalagwa kwa mushu. Kwa vizho mut'u wa Mulungu anav̱irya akale na kuluhiro na kuvumirira.

Ugunulo 22:12

“Lolani, ninadza kare si kure bule, nami ninadza na zawadi nimup'e kila mut'u kulengana na mahendo ga kwakwe.

Ugunulo 15:7

Gonya mumwenga wa ao zhumbe ane, akiagolozera o malaika afungahe ndhuwa fungahe za dhahabu zidzizodzala k'oro za iye Mulungu aishiye kare na kare.

Ugunulo 15:1

Gonya nikiona ut'u ungine ubomu wa ajabu kidza wa kwangalaza. Naona malaika afungahe mariokala mana mapigo mafungahe ga mwisho. Mapigo gaga were ndo garigokamilisha k'oro za Mulungu.

Ugunulo 14:10

andaadhibiwa ni Mulungu. Vizho be vindakala ni here divai k'ali ambayo iye Mulungu mwenye ndiye adziyeitsoha kahi za kikombe. Bai Mulungu andaatesa at'u aa kwa moho wa baruthi mbere za malaika aeri na mbere za iye Mwana Ng'ondzi.

Aeburania 9:27

Na here virizhothalwa, kila mut'u andafwa lumwenga, na bada ya kufwa, hukumu ya Mulungu inamuthariza.

Luka 1:50

Naye ana mbazi kwa ao mario manamwagoha, kula kahi za vizhazi zhosi.

Math'ayo 5:12

Fwahirwani zhomu na kulika, mana zawadi yenu ni bomu kuko mulunguni. Mana vizho ndizho ao at'u marizhoahendera o manabii mariomuthangulia.”

Ugunulo 20:15

Na mut'u yoyosi ariye dzinare k'arionewerwe kahi za kicho kithabu cha uzima watsufwa kahi za riro ziya ra moho.

Ugunulo 18:6

Bai vizho arizhoahendera at'u, nanwi muhendereni dza vizho zhenye. Muriheni k'ana mbiri ya vizho arizhohenda. Mutsohereni kikombe cha divai mbifu k'ana mbiri ya cho arichokitsoha iye.

Ugunulo 11:2

Ela wo muhala uriwo ndze ya ro Hekalu usiupime bule kwa kukala uwo wagerwa at'u mario si Ayahudi. Nao mandauzhoga-zhoga wo mudzi mueri wa Jerusalemu kwa muda wa miezi mirongo mine na miri (siku 1,260).

Ugunulo 19:15

Kanwani mwakwe mwambola mushu wa kurya andiwouhumira kugadhima go makabila, naye andaathawala na ukali munji na kuamwagira k'oro k'ali za ye Mulungu mwenye nguvu zosi.

Ugunulo 10:7

Ela ye malaika wa fungahe andihopiga ro gundare ndiho Mulungu andihokamilisha mupangowe wa siri here arizhoambiriza ahumikie, manabii.

Ugunulo 13:16

Kidza rikiahendya at'u osi, hariho anyonge na enye nguvu, ashaha na akiya, atumwa na at'u mario si atumwa, mangizwe muv̱ano vidhanguni mwao hedu dzulu za mikono yao ya kurya.

Ugunulo 19:18

Ndzoni murye nyama za athawali, na za abomu a viha, na za at'u enye nguvu, na za apandi a farasi na farasi a kwao, na za at'u osi, atumwa, mario huru, abomu na athithe.”