Ugunulo 11:17 - Kilagane Kisha (Kenya)

¹⁷ Makiamba, “Huna muv̱era h'ewe Bwana Mulungu, mwenye nguvu zosi. Mulungu uriyekalako na uriyeko. Huna muv̱era kwa kukala udzahala wadimio mubomu na udzaandza kuthawala.

Ugunulo 11:17 ပူးပေါင်းရင်းမြစ်များ

Ugunulo 1:8

Bwana Mulungu mwenye nguvu zosi, iye ariyekalako, ariyeko, na andiyekudza anaamba vivi, “Mimi ndimi Alifa na ndimi Omega.”

Ugunulo 16:5

Bai nikisikira iye malaika ariye na wadimi dzulu za madzi akiamba, “H'ewe mueri, uwe uriyekalako kidza uriyeko vivi, hukumuzo ni za hachi.

Ugunulo 19:6

Vinakira vizho, nikisikira mumiro here wa kundi bomu ra at'u, here wa mwamba ududumizao na here wa kigwaragwara. Bai mumiro uwo wanena zhomu ukiamba, “H'aleluya! Mana iye Bwana Mulungu wehu mwenye nguvu zosi, anathawala.

Ugunulo 1:4

Mimi Johana, ninandhikira makanisa mafungahe garigo kahi za jimbo ra Asia. Nema na dheri kula kwa iye ariyekalako, ariyeko, na andiyekudza, na kula kwa o roho afungahe mario mbere za kihi cha kwakwe cha endzi, na kula kwa Jesu Masihi, navikale hamwenga nanwi. Jesu Masihi, ni shudhia wa kukuluhirika, ndiye mut'u wa kwandza kufufulwa ni Mulungu kula kifwani. Iye ni muthawali wa athawali osi haha urumwenguni. Anahuhendza na wahuvugula kula kwa dambi zehu kukirira na yo milatsoye.

Ugunulo 19:11

Gonya ko mulunguni kukigunuka na lola nikiona farasi mwaruhe tse. Dzina ra ye muhirikiwe were ni Muaminifu na Mujeri. Naye nikuhukumu na kupiga viha kwa ngira ya hachi.

Ugunulo 16:7

Gonya haho kijajani ha kulazhira sadaka hachambola sauthi ikinena zhomu ikiamba, “H'ewe Bwana Mulungu mwenye nguvu zosi, hukumuzo ni za jeri na za hachi.”

Ugunulo 16:14

Roho zizo ni roho za p'ep'o mahendao miujiza. Kazi ya zizi roho t'ahu ni kwendakundzumanya athawali osi a urumwengu hamwenga. Zindaakusanya ili zigwage k'ondo siku iryahu bomu ya Bwana Mulungu mwenye nguvu zosi.

Ugunulo 15:3

Na makiimba wira uriwoimbwa ni Musa muhumiki wa Mulungu, na wira wa iye Mwana Ng'ondzi. Wira uu were unaamba, “H'ewe Bwana Mulungu mwenye nguvu zosi, mahendogo ni madzo na ni mabomu sana! Ngirazo ni za hachi na za jeri, uwe u muthawali wa makabila gosi.

Ugunulo 11:15

Gonya ye malaika wa fungahe akipiga gundare. Nikisikira sauthi bomu ko mulunguni zikinena zikiamba, “Vivi be wadimi wa kuthawala haha urumwenguni ni wa Bwana wehu, na iye Masihiwe. Naye andathawala hatha kare na kare.”

1 T'imoth'i 1:12

Bai namulazhira muv̱era Bwana wehu Masihi Jesu, adziyeenderera kunip'a nguvu kahi za kazi ii. Iye Bwana wanilola na akinona ninakuluhirika na yo kaziye, bai akinitsagula nimuhumikire,

Luka 10:21

Wakathi uwo Jesu wadzalwa ni fwahiro kukirira na Roho Mweri akiamba, “Nakulazhira muv̱era h'ewe Baba, Bwana wa dzulu na ts'i, kwa kukala maut'u gaga wagafitsa alachu na enye akili, ukigagunulira madanga ga ana. Ni karakara Baba, mana vizho ndizho urizhohendza.”

Math'ayo 11:25

K'uzhona wakathi uwo vizho, Jesu akiamba, “Nakulazhira muv̱era h'ewe Baba, Bwana wa dzulu na ts'i, kwa kukala maut'u gaga wagafitsa alachu na enye akili, ukigagunulira madanga ga ana.

2 Akorintho 9:15

Mulungu naagerwe muv̱era kwa kigerwache kibomu kisicho na mwandziwe.

2 Akorintho 2:14

Ela Mulungu naagerwe muv̱era; kwani siku zosi, iye nde ahulongozaye kahi za yo ngororoki ya ushindi wa Masihi, na kufwadimira kuamanyisa at'u wo ujeri wa Masihi kila hat'u. Ujeri uu unanuk'at'o here marashi.

Johana 11:41

Bai makirusa ro iwe. Jesu akilola ko dzulu na akiamba, “Ninakulazhira muv̱era Baba, kwa kukala unanisikira.

Ugunulo 18:8

Bai kwa ut'u uu, andapata mapigo ga manyonge, kiriro, na ndzala siku mwenga. Na kidza andakundywa moho, mana iye Bwana Mulungu andiyemuhukumu, nde mwenye nguvu zosi.”