Ugunulo 1:11 - Kilagane Kisha (Kenya)

¹¹ ikiniamba, “Gaga ugaonago be gandhike kahi za chuwo, na ugahirike kwa gago makanisa mafungahe garigo kahi za jimbo ra Asia: Kanisa ra Efeso, ra Simurina, ra P'erigamo, ra Thiyatira, ra Saridi, ra Filadelifia, na ra Laodikia.”

Ugunulo 1:11 ပူးပေါင်းရင်းမြစ်များ

Mahendo 16:14

Kahi za ao mariokala haho kusirikiza, were ni mwanamuche mumwenga aifwaye Lidia wa kula mudzi uifwao Thiyatira. Lidia were ana biashara ya kuguza vithambaa zha zambarau, naye were ni mut'u amuvoyaye Mulungu. K'uzhona zho Bwana akimuvugula moyowe ili akubali garyahu garigokala gananenwa ni P'aulo.

Mahendo 18:24

Vikara kahi za wakathi uwo Muyahudi mumwenga aifwaye Apolo, ambaye wazhalwa Alekizandiria wazhoga mo Efeso. Mut'u yuyu were anamanya kunena na kidza were anamanya Maoro t'ot'ot'o sana.

Mahendo 20:17

Bai P'aulo arihokala a ko Mileto, wahuma at'u mende Efeso makaaihe o azee a kanisa kuko.

1 Akorintho 15:32

Kala lengo rangu ni ra kidamu, mino be tha ningapata faidha yani kwa kupigana na nyama a tsakani kuno Efeso? Kala at'u k'amafufulwa, “Nahurye, na hunwe mana machero hundafwa.”

1 Akorintho 16:8

Ela vivi kare be nindakala haha Efeso muhaka sherehe ya Pentekote ikire.

Aefeso 1:1

Mimi P'aulo niriyetsagulwa ni Mulungu nikale muhumwi wa Masihi Jesu, ninamwandhikira baruwa ii ninwi at'u a Mulungu murio kuko Efeso, at'u murio mu aaminifu kahi za kumuthuwa Masihi.

Akolosai 2:1

Mimi ninahendza mumanye viryahu ambazho ninahenda kazi kwa chadi kwa ut'u wenu na kwa ut'u wa o at'u mariomukuluhira Masihi ko Laodikia, na kwa ut'u wa o angine osi mario k'amadzanona na matso.

1 T'imoth'i 1:3

Vikara nirihokala ninenda Mak'edonia nakwambira uthuwe kukala Efeso. Na hatha vivi nazho nahendza uthuwe kukala kuko. Kwani kuna at'u mario manafundisha maut'u ga ulongo. Bai ambire mariche.

Ugunulo 1:17

Nirihomona, nagwa maguluni hakwe, nikikala here lufu. Ela iye akigoloza mukonowe wa kurya akiwika dzulu zangu akinamba, “Usogohe, mimi ndimi wa kwandza na wa mwisho.

Ugunulo 1:19

Bai, ndhika go maut'u udzigogaona, na go garigoko vivi, na go gandigokala badaye.

Ugunulo 1:2

Naye Johana wamboza ushahidhi dzulu za maut'u gosi arigogaona. Wamboza ushahidhi dzulu za ujumbe wa Mulungu, na dzulu za ujeri wosi ariwowanyesa Jesu Masihi.

Ugunulo 1:20

Na ii be ndo mana ya yo siri ya zo nyenyezi fungahe, na zho viguzo vifungahe zha mataa udzizhozhona kahi za mukono wangu wa kurya. Zizo nyenyezi fungahe ni malaika a go makanisa mafungahe. Zho viguzo vifungahe zha mataa, ni go makanisa mafungahe.”

Ugunulo 1:4

Mimi Johana, ninandhikira makanisa mafungahe garigo kahi za jimbo ra Asia. Nema na dheri kula kwa iye ariyekalako, ariyeko, na andiyekudza, na kula kwa o roho afungahe mario mbere za kihi cha kwakwe cha endzi, na kula kwa Jesu Masihi, navikale hamwenga nanwi. Jesu Masihi, ni shudhia wa kukuluhirika, ndiye mut'u wa kwandza kufufulwa ni Mulungu kula kifwani. Iye ni muthawali wa athawali osi haha urumwenguni. Anahuhendza na wahuvugula kula kwa dambi zehu kukirira na yo milatsoye.

Ugunulo 1:8

Bwana Mulungu mwenye nguvu zosi, iye ariyekalako, ariyeko, na andiyekudza anaamba vivi, “Mimi ndimi Alifa na ndimi Omega.”

Ugunulo 10:4

Na kicho kigwaragwara kirihodudumiza zo k'ana fungahe were ni hehi na kwandhika wo uv̱oro niriwokala nidzausikira. Ela nikisikira sauthi kula mulunguni ikinamba, “Zho vidzizhonenwa ni cho kigwaragwara k'ana fungahe usizhandhike bule mana ni siri.”

Ugunulo 14:13

Gonya nikisikira sauthi kula mulunguni ikinena ikiamba, “Zhandhike vivi, Roho anaamba, ‘Baha aryahu at'u mafwao kahi za Bwana kuandzira vivi, mana mandaoya thabu za kwao, kwani mahendo gao ganathuwana nao.’ ”

Ugunulo 19:9

Bai ye malaika akinamba, “Ndhika maneno gaga: Baha ao at'u mariosungwa iyo sherehe ya harusi ya iye Mwana Ng'ondzi.” Gonya akinena nami kaheri akinamba, “Maneno gaga ni maneno ga jeri, na ni ga Mulungu.”

Ugunulo 2:1

Bai akienderera kunena akiamba, “Kwa malaika wa kanisa ra Efeso, ndhika uambe, ‘Iye agwiriraye zo nyenyezi fungahe kahi za mukonowe wa kurya, na anendaye kahikahi za zho viguzo vifungahe zha dhahabu, zha kuikira mataa, anaamba vivi:

Ugunulo 2:12

“Kwa malaika wa kanisa ra P'erigamo, ndhika uambe, ‘Iye ariye na mushu wa kurya kosi-kosi anaamba:

Ugunulo 2:18

“Kwa malaika wa kanisa ra Thiyatira, ndhika uambe, ‘Iye Mwana wa Mulungu, ariye na matso ga kuaka here moho, kidza ariye na magulu ga kung'ala here ng'andu idziyoochwa na ikatsulwa, anaamba:

Ugunulo 2:24

Ela ninwi angine kuko Thiyatira, murio k'amugakubali go mafundisho ga Jezebeli, na murio k'amudzadzifundisha garyahu angine maambago ni “siri ya Shethani,” ninamwamba kukala sindamuhika muzigo mungine.

Ugunulo 2:8

“Kwa malaika wa kanisa ra Simurina, ndhika uambe, ‘Iye wa Kwandza na wa Mwisho, ariyefwa na akifufuka, anaamba:

Ugunulo 21:5

Gonya iye ariyekala akelesi kahi za cho kihi cha endzi akiamba, “Lola vivi be ninahenda kila kit'u kikale kisha.” Kidza akiamba, “Gandhike gaga, mana ni maneno ga kukuluhirika na ga ujeri.”

Ugunulo 22:10

Kidza akinamba, “Gaga Maoro ga unabii ga chuwo kiki, usigafitse bule, mana wakathi wa kuthimira maut'u gaga udzafika hehi.

Ugunulo 22:16

Mimi Jesu, ndimi nyenyezi ya madzach'a, mimi nazhalwa kahi za lukolo lwa Daudi. Bai nidzamuhuma malaika wangu kwenu adze aambire makanisa maut'u gaga.”

Ugunulo 3:1

Bai akienderera kunena akinamba, “Kwa malaika wa kanisa ra Saridi, ndhika uambe, ‘Iye ariye na zo roho fungahe za Mulungu, na zo nyenyezi fungahe anaamba: Ninamanya zho uhendazho. Ninamanya kukala unaonewa kukala u moyo kudzi wafwa.

Ugunulo 3:14

“Kwa malaika wa kanisa ra Laodikia, ndhika uambe, ‘Iye aifwaye H'aami, ariye ni Shudhia mwaminifu na mujeri, ariye iye nde chaho cha kila kit'u kirichoumbwa ni Mulungu, anaamba:

Ugunulo 3:4

Ela hamwenga na vizho kuna at'u achache kuko Saridi, mario k'amadzadzangiza kahi za uchafu wowosi. Ao mandavala nguwo nyaruhe tse, na fwanende hosi kwa kukala manav̱irya vizho.

Ugunulo 3:7

“Kwa malaika wa kanisa ra Filadelifia, ndhika uambe, ‘Iye mueri na mujeri, iye mwenye funguo ya Daudi, iye ariye akivugula, k'ahana adimaye kufunga, na akifunga k'ahana adimaye kuvugula, anaamba: