Math'ayo 6:21 - Kilagane Kisha (Kenya)

²¹ Kwani haho handihokala akibayo, ndo handihokala moyowo.”

Math'ayo 6:21 ပူးပေါင်းရင်းမြစ်များ

2 Akorintho 4:18

Kwa vizho siswi k'ahuthariza vit'u huzhonazho na matso bule, ela hunathariza vit'u visizhooneka. Kwani vit'u huzhonazho na matso ni zha muda thu, ela vit'u visizhooneka ni zha kare na kare.

Luka 12:34

Mana haho hariho zo akiba zenu be ndo handihokala yo mioyo yenu.”

Aeburania 3:12

Ndugu zangu, kila mumwenga wenu naadzimanyirire p'ore akangirwa ni moyo mui, na kutsakuluhira, hatha akamuricha Mulungu ariye moyo.

Math'ayo 12:34

H'enwi kizhazi cha nyoka! Munadimadze kunena madzo kuno mioyo yenu i thele uthiriri? Mana kanwa ka mut'u kanena garyahu gadzigowadzala moyowe.

Mahendo 8:21

Uwe be k'una fungu rorosi hedu muthalo wowosi kahi za ii kazi yehu, kwa kukala wo moyowo be k'aukarakara mbere za Mulungu.

Filemoni 1:3

Nema na dheri kula kwa Mulungu Babiyehu, na Bwana Jesu Masihi, navikale kwenu.

Filemoni 1:19

Mimi P'aulo nandhika vivi na mukono wangu wenye, nindariha, ela kumbukira kukala ninakwisa hatha yo rohoyo.

Math'ayo 6:22

Bai Jesu waenderera kufundisha akiamba, “Matso ndo taa ra mwiri. Kwa vizho kala matsogo ni madzo, mwiriwo wosi nikudzala mulangaza.