Math'ayo 6:12 - Kilagane Kisha (Kenya)

¹² Na uhusamehe makosa gehu, here zho huasamehazho ao mahukoserao.

Math'ayo 6:12 ပူးပေါင်းရင်းမြစ်များ

Aefeso 4:32

Kalani at'u a mioyo midzo, muhurumiane, na musameheane dza viryahu Mulungu arizhomusamehe ninwi kukirira kwa Masihi.

Mariko 11:25

Nanwi kila muimaho kuvoya, na kumbe muna neno na mut'u, musameheni, kwamba na Babiyenu ariye mulunguni apate kumusamehe makosa genu. [

Aefeso 1:7

Kwani kukirira na iyo milatsoye, siswi fwakombolwa, yani fwasamehewa dambi zehu. Vivi zhakala kulengana na zizo mbazi za kwakwe nyinji.

Akolosai 3:13

Vumiriranani. Mwandziyo akikukosera, musamehe dza vizho Bwana arizhomusamehe ninwi.

Luka 11:4

Na uhusamehe makosa gehu, kwani siswi naswi hunaasamehe osi mahukosao. Na usihuhirike majezoni, [ela fuokole na ye Mui].’ ”

Luka 6:37

Bai Jesu waenderera kunena akiamba, “Musiahukumu andziyenu, p'ore nanwi mukahukumiwa. Musilaumu andziyenu, p'ore nanwi mukalaumiwa. Sameheni andziyenu, ndo nanwi mundasamehewa.

Mahendo 13:38

Kwa vizho ndugu zangu, namala mumanye kukala ninwi munaambirizwa dzulu za musamaha wa dambi kukirira kwa Jesu. Kukirira kwa iye bai, kila mut'u akuluhiraye anahendywa muhachi kula kwa garyahu ambago were Sheria ya Musa k'aidima kumuhendya muhachi.

Math'ayo 9:2

Arihofika kuko lola at'u makimurehera mut'u wa kuholoza ariyekala arere kitandani mwakwe. Bai Jesu arihoona ro kuluhiro rao, akimwamba ye mukongo, “Dzip'e moyo mwanangu, dambizo zidzasamehewa.”

Math'ayo 26:28

kwani ii ndo milatso yangu ya cho kilagane, imwagwayo ili at'u anji madime kusamehewa dambi zao.

Luka 13:4

Hedu munaona arya at'u kumi na anane mariofwa kwa kugwererwa ni munara ko Siloamu were mana makosa zaidhi kukira o at'u angine osi matoao ko Jerusalemu?