Math'ayo 16:19 - Kilagane Kisha (Kenya)

¹⁹ Nindakup'a funguo za uthawali wa mulunguni. Na kila undichokifunga haha dhuniani, hatha ko mulunguni nako kindafungwa. Na kila undichokivugula haha dhuniani, hatha ko mulunguni nako kindavugulwa.”

Math'ayo 16:19 ပူးပေါင်းရင်းမြစ်များ

Math'ayo 18:18

Nami namwambira ujeri kukala kila mundichokifunga haha dhuniani hatha ko mulunguni nako kindakala kidzafungwa, na kila mundichokivugula haha dhuniani hatha ko mulunguni nako kindakala kidzavugulwa.

Ugunulo 1:18

Mimi ndimi niishiye. Nafwa, ela lola vivi ni moyo hatha kare na kare. Mimi nina funguo za kifwa na za kuzimu.

Ugunulo 3:7

“Kwa malaika wa kanisa ra Filadelifia, ndhika uambe, ‘Iye mueri na mujeri, iye mwenye funguo ya Daudi, iye ariye akivugula, k'ahana adimaye kufunga, na akifunga k'ahana adimaye kuvugula, anaamba:

Johana 20:23

Mukimusamehe mut'u dambize, bai Mulungu andamusamehe dambize. Musihomusamehe mut'u dambize, bai Mulungu k'andamusamehe mut'u iye dambize.”

Ugunulo 11:6

Ao mana wadimi wa kugwira v̱ula isinye wakathi wa kumboza unabii wao. Kidza mana wadimi wa kugagaluza madzi kukala milatso na kureha mapigo ga kila aina haha ts'i here mahendzazho.

2 Akorintho 2:10

Mut'u yoyosi mukimusamehe ninwi, hatha mimi nami nidzamusamehe. Na kala hana ut'u wowosi uriwo mimi nausamehe, nausamehe mbere za Masihi kwa ut'u wenu ninwi.

Ugunulo 9:1

Gonya ye malaika wa tsano akipiga gundare. Na lola, nikiona nyenyezi iriyokala idzagwa kula mulunguni nayo ikigerwa funguo ya kusundula wo muryango wa ridzina risiro mwisho.

1 Ath'esalonike 4:8

Na kila andiyev̱udhya maadho gaga, k'amuv̱udhya mudamu, ela anamuv̱udhya iye Mulungu amugeraye Roho mweri wa kwakwe.

Mahendo 15:7

Vikara kahi za mukut'ano uwo makudzasumurira kwa muda mure wenye hasiho kugwirana maneno, ndo P'et'ero akiungarara na akinena nao akiamba, “Ndugu zangu, ninwi munamanya kukala ho kapindi Mulungu wanitsagula kula kahi zenu ili niambirize Uv̱oro Udzo o at'u mario si Ayahudi, ili masikire na makuluhire.