Math'ayo 11:3 - Kilagane Kisha (Kenya)

³ “Vidze, we ndiwe yuyahu huriyekala hunamuthariza hedu hutharize mungine?”

Math'ayo 11:3 ပူးပေါင်းရင်းမြစ်များ

Johana 11:27

Marith'a akiamba, “Ee Bwana, ninakukuluhira kukala ndiwe Masihi Mwana wa Mulungu ariyeambwa andakudza urumwenguni.”

Aeburania 10:37

Kwani Maoro ganaamba, “Bado siku ch'ach'e thu, na iye atharizwaye andakudza, k'andatoa bule.

Johana 7:31

Ela anji ao kahi za ro kundi mamukuluhira na kuamba, “Vidze ye Masihi akidza andahenda miujiza kushinda ii ahendayo mut'u yuyu?”

Johana 6:14

Bai at'u marihoona wo muujiza ariwohenda Jesu makiandza kuamba, “Jeri wenye yuyu nde nabii humutharizaye haha urumwenguni.”

Johana 16:14

Iye andanip'a nguma, kwa kukala andahala go nindigonena na amwambire ninwi.

Johana 12:13

Bai makihala vitai zha mitende na machendamudhana kuno makipiga njerejere na kuamba, “Hosana! Naalikwe iye adzaye kwa dzina ra Bwana! Naalikwe iye muthawali wa Iziraeli!”

Johana 4:21

Jesu akiamba, “Kuluhira gaga ninenago m'ama, wakathi unadza ambawo k'amundamuvoya Baba Mulungu kahi za murima uu hedu hatha Jerusalemu kaheri.

Luka 19:38

Makiamba, “Naalikwe iye muthawali adzaye kahi za dzina ra Bwana! Dheri narikale ko mulunguni, na nguma yende kwa Mulungu ariye dzulu!”

Mariko 11:9

Na at'u mariokala ma mbere, na ao mariokala nyuma zao mapiga k'ululu makiamba, “Hosana! Naalikwe iye adzaye kwa dzina ra Bwana!

Math'ayo 21:9

Bai go makundi ga at'u mariokala mbere na mariokala nyuma osi makikwacha kuimba kwa nguvu makiamba, “Naalikwe ye mwana wa Daudi! Naahaswe iye adzaye kwa dzina ra Bwana! Naalikwe ye Mulungu ariye dzulu!”

Math'ayo 21:5

“Ambireni at'u a mudzi wa Sayuni kukala, ‘Lolani, muthawali wenu anamudzirira. Ni mup'ore na adzakwera dzulu za ndzowe, kidza mwana wa ndzowe.’ ”

Math'ayo 11:4

K'uzhona marihouza viryahu, Jesu akiadzigidzya akiamba, “Uyani mukamwambire Johana gago musikirago na kugaona.

Math'ayo 11:10

Kwani iye Johana ndiye ariyenenwa kahi za Maoro kukala, ‘Lola ninahuma mujumbe wangu mberezo, andiyekutengezera ngirayo kimbere.’