Mariko 14:39 - Kilagane Kisha (Kenya)

³⁹ Gonya akiuka kaheri kwendavoya, naye wavoya mavoyo dza gago ga chaho.

Mariko 14:39 ပူးပေါင်းရင်းမြစ်များ

2 Akorintho 12:8

Namuvoya Bwana k'ana t'ahu mwiya uu unambole,

Math'ayo 6:7

Muvoyaho musihaye-haye bule, here at'u masiomumanya Mulungu mahendazho. Kwani o manaona makinena maneno manji ndo Mulungu andaasikira.

Luka 18:1

Siku mwenga Jesu akiambira o anafundzie fumbo riri, ili aafundishe kukala manav̱irya kuvoya hasiho kutsoka.

Mariko 14:38

Chesani na muvoye sidze mukangira majezoni, kwani roho inahendza kamare, ela wo mwiri ni munyonge.”

Mariko 14:40

Naye arihoauyira achendaathekeza marere kaheri. K'amadimire kukala matso kwa wo uts'indzizi mariwokala nawo. Nao k'amapatire ra kumudzigidzya.

Aeburania 5:7

Jesu arihokala haha dhuniani, wamuvoya sana yuyahu ariye were ndiye mwenye wadimi wa kumuthizha na kifwa. Iye wamuririra kwa kiriro kibomu na akimwagikwa ni matsozi. Naye kwa kukala were anamwagoha Mulungu, Mulungu akimusikira.