Mariko 1:11 - Kilagane Kisha (Kenya)

¹¹ Na kukimbola sauthi kula ko mulunguni ikiamba, “Uwe u Mwanangu muhendzwi, unifwahizaye.”

Mariko 1:11 ပူးပေါင်းရင်းမြစ်များ

Math'ayo 12:18

“Lolani ye muhumiki wangu niriyemutsagula. Ninamuhendza na ananifwahiza. Nindamwangiza nguvu za Roho wangu ili atangazire at'u mario si Ayahudi, kukala hukumu indakala ya hachi.

Math'ayo 17:5

Lola P'et'ero were k'adzatosa, kuchambola ingu ra kung'ala rikidzaafinikira. Na sauthi ikimbola mo inguni ikiamba, “Yuyu nde Mwanangu muhendzwi anifwahizaye, musirikizeni iye.”

Math'ayo 3:17

Na lola haho henye mumiro uchambola kula ko mulunguni ukiamba, “Yuyu ni Mwanangu muhendzwi, anifwahizaye.”

Mariko 1:10

Na Jesu arihokala akumbolani mo madzini, akiona ko mulunguni kudzagunuka na Roho anatserera dzuluze here giya.

Mariko 9:7

Gonya kukidza ingu rikidzaafinikira na sauthi ichambola mo inguni ikiamba, “Yuyu ni Mwanangu muhendzwi, musirikizeni iye.”

Luka 3:22

na Roho Mweri akitserera dzuluze kwa umbo ra giya. Na kukimbola mumiro kula ko mulunguni ukiamba, “Uwe u Mwanangu muhendzwi, unifwahizaye.”

Luka 9:35

Mo inguni muchambola mumiro wa mut'u ukiamba, “Yuyu ni Mwanangu niriyemutsagula, musirikizeni iye.”

Johana 1:34

Nami nidzazhona na ninamboza ushahidhi kwamba yuyu nde Mwana wa Mulungu.”

Johana 3:16

“Kwa mana Mulungu wauhendza urumwengu zhomu hatha akimulazha Mwanawe wa h'akeye ili kila amukuluhiraye asingamike, ela akale na uzima wa kare na kare.

Johana 5:37

Na ye Baba mwenye ariyenihuma anamboza ushahidhi dzulu zangu. Ela ninwi k'amudzamusikira sauthiye hedu hatha kumona umbore,

Johana 6:69

na hunakuluhira na hunamanya kukala uwe ndiwe Mweri wa Mulungu.”

Arumi 1:4

Na kukirira kwa Roho Mweri, Bwana wehu Jesu Masihi, wahendywa kukala Mwana wa Mulungu na mwenye nguvu, haryahu arihofufuka kula kifwani.

Akolosai 1:13

Kwani iye wafwamboza kula kizani na akifwangiza kahi za uthawali wa Mwanawe muhendzwi.