Mahendo 19:2 - Kilagane Kisha (Kenya)

² na akiauza akiamba, “Vidze mwamuhokera Roho Mweri wakathi murihomukuluhira Jesu?” Makidzigidzya makiamba, “Hatha. Mwandzo tha zho zha kuna kit'u kiifwacho Roho mweri, k'afudzavisikira.”

Mahendo 19:2 ပူးပေါင်းရင်းမြစ်များ

Johana 7:39

Jesu waamba ut'u uu dzulu za ye Roho ariye aryahu mandiomukuluhira were mandamup'ewa. Kwani Kufikira siku ii were k'adzadza, kwa kukala Jesu were k'adzangwe kugerwa ngumaye.

Mahendo 10:44

Naye P'et'ero were k'adzatosa kunena maneno gaga, ye Roho Mweri akiadzaza, naye waadzaza osini mariokala madzausikira wo uv̱oro uwo.

Mahendo 19:5

Bai o at'u marihosikira vizho, mabat'izwa kwa dzina ra Bwana Jesu.

Mahendo 2:17

‘Mulungu yunaamba kukala kahi za siku za mwisho nindaadzaza at'u osi Roho wangu. Ana enu a kilume na a kiche mandamboza unabii. Athana enu mandanyeswa maono, na athumia enu a kilume mandaloha ndoso za kimulungu.

Arumi 1:11

Kwani be nina p'ola nanwi sana. Ninamala nidze nimup'e kipawa cha roho nanwi. Kipawa kicho kindamuhendya mukale na nguvu za kiroho.

1 Akorintho 6:19

Vidze k'amumanya kukala miri yenu ni hekalu ra ye Roho Mweri muriyegerwa ni Mulungu, na anatoa ndani mwenu? Ninwi k'amua ninwi enye bule, mu a Mulungu.

Agalatia 3:5

Kwa vizho Mulungu wamup'a Roho Mweri na akihenda miujiza kahi zenu, kwa kukala mwaukuluhira uwo Uv̱oro Udzo muriwombirizwa, si kwa kukala were munathuwa Sheria.