Luka 5:11 - Kilagane Kisha (Kenya)

¹¹ Bai machenda na go madau hatha ho k'anda-k'anda za ro ziya, nao makiricha kila kit'u haho na makimuthuwa Jesu.

Luka 5:11 ပူးပေါင်းရင်းမြစ်များ

Math'ayo 4:20

Marihosikira vizho thu, Simoni na Anderea makigwaga kare zho vimia zhao makimuthuwa.

Luka 5:28

Lawi akiricha kila kit'u, akirungarara akimuthuwa Jesu.

Math'ayo 19:27

P'et'ero akimwamba, “Lola, fwaricha zhosi hukikuthuwa uwe, vino hundapatani?”

Mariko 10:21

Jesu akimulola kwa mahendzo, gonya akimwamba, “Udzahungukirwa ni kit'u kimwenga nacho ni kiki. Enda ukaguze kila kit'u uricho nacho, gonya zo p'esa uap'e akiya, nawe undakala na akiba ko mulunguni. Ukigonya kuhenda vizho ndzo unithuwe.”

Math'ayo 10:37

“Kila amuhendzaye babaye hedu mameye kunikira mimi, hedu amuhendzaye mwanawe wa kiche hedu wa kilume kunikira mimi, k'av̱irya kukala wangu bule.

Math'ayo 4:22

Jakobu na Johana makimuricha ye babiyao hamwenga na ro dau makimuthuwa Jesu.

Math'ayo 19:29

Na kila ariyericha nyumbaze, na azhazie, na nduguze, na adamue, na mundawe, kwa ut'u wa dzina rangu, zho arizhoviricha andarifwa mara gana, kidza andapata uzima wa kare na kare.