Luka 4:25 - Kilagane Kisha (Kenya)

²⁵ Ko kunena wo ujeri wenye, be kahi za ts'i ya Iziraeli were kuna ache magungu anji enye kahi za uryahu wakathi wa Elija. Kahi za wakathi uwo v̱ula yazuliwa kunya kwa muda wa miaka mihahu na nusu, k'uzhona zho kukihenda ndzala ya kitai kahi za ts'i ndzima.

Luka 4:25 ပူးပေါင်းရင်းမြစ်များ

Jakobu 5:17

Halirani mufano wa nabii Elija. Elija were ni mut'u thu dza siswi, ela bai wavoya kwa chadi akiamba kusinye v̱ula na vikikala vizho zhenye. V̱ula k'ainyire kwa muda wa miaka mihahu na nusu.

Math'ayo 20:15

Namanya muna wivu kwa wo udzo nidziwouhenda. Ela ni lazima mumanye kukala nina uhuru wa kuhumira p'esa zangu nihendzazho.’ ”

Luka 10:21

Wakathi uwo Jesu wadzalwa ni fwahiro kukirira na Roho Mweri akiamba, “Nakulazhira muv̱era h'ewe Baba, Bwana wa dzulu na ts'i, kwa kukala maut'u gaga wagafitsa alachu na enye akili, ukigagunulira madanga ga ana. Ni karakara Baba, mana vizho ndizho urizhohendza.”

Aefeso 1:11

Mulungu akihenda ut'u, anauhenda karakara na mahendzo ga kwakwe. Bai siswi fwatsagulwa hukale at'u a Mulungu kukirira na Masihi karakara na arizhopanga Mulungu mwenye.

Aefeso 1:9

Mana Mulungu wafumanyisa mupangowe uriwokala k'aumanywa ni mut'u, naye waamua kuukamilisha kukirira kwa Masihi.

Arumi 9:20

Ela we mudamu u h'ani hatha upigane k'anani na Mulungu? Vidze, ino nyungu inadima kumuza ye muumbi wa kwakwe ikaamba, “Kwanoni waniumba vino we?”

Arumi 9:15

Mana iye wanena na Musa akimwamba, “Nindamuonera mbazi kila mut'u nihendzaye kumuonera mbazi, Nindamuhurumia kila nihendzaye kumuhurumia.”

Ugunulo 11:6

Ao mana wadimi wa kugwira v̱ula isinye wakathi wa kumboza unabii wao. Kidza mana wadimi wa kugagaluza madzi kukala milatso na kureha mapigo ga kila aina haha ts'i here mahendzazho.