Luka 4:17 - Kilagane Kisha (Kenya)

¹⁷ Bai akigolozerwa chuwo cha nabii Isaya. K'uzhona zho akikihala akikivugula na akipata hat'u harihoorwa vivi:

Luka 4:17 ပူးပေါင်းရင်းမြစ်များ

Luka 16:29

Burahemu akimudzigidzya akiamba, ‘Kuko kuna Musa na manabii, bai ni maasikize ao.’

Luka 20:42

Kwani hatha ye Daudi mwenye waora kahi za chuwo cha Zaburi vivi, ‘Bwana Mulungu wamwamba Bwana wangu, “Keresi mukono wangu wa kurya

Luka 4:16

Badaye achenda ko Nazareth'i ambawo ndo mudzi ariorerwa. Vikara irihofika siku ya Sabato, achenda kahi za sinagogi here garizhokala mazowerage, na akiungarara kwamba ashome Maoro.

Luka 4:18

“Roho wa Bwana a hamwenga nami, kwani adzanihaka mafuha ili nihubiri wo Uv̱oro Udzo kwa akiya. Iye Bwana adzanihuma niambire o mario jela mavugulwe. Kidza ao mario ni vipofu madime kuona, na adzanihuma ili ao mario manaonerwa niaike huru,

Luka 4:20

Bai Jesu arihogonya kushoma wahala cho chuwo akikikundza t'ot'ot'o gonya akimugolozeza ye muhumiki na achendakeresi. Bai kila mut'u kahi za ro sinagogi wamuthema dzitso ye Jesu.

Mahendo 13:15

Bai hachambola mut'u akishoma Maoro kula kahi za Sheria ya Musa na kula kahi za Maoro ga manabii. Gonya aryahu abomu a ro sinagogi makihuma mut'u achendaambira o ani P'aulo vivi, “Ndugu, chamba muna neno rorosi rindiroangiza nguvu aa at'u be hunamuvoya murinene.”

Mahendo 13:27

Ao at'u a Jerusalemu na athawali ao k'amamanyire kukala Jesu were nde mwokoli, ela marihokala madzamuhukumu kwalagwa makigathimiza garyahu maneno ga manabii gashomwago kila siku ya Sabato.

Mahendo 7:42

Bai Mulungu akialozera mongo, akiaricha mavoye zo nyenyezi za mulunguni. Vivi vinagwirana na vizho ambazho zhaorwa kahi za chuwo cha manabii viambazho, ‘Vidze mwanitsindzira nyama na kunambozera sadaka kwa miaka mirongo mine ko nyika, h'enwi Aiziraeli?