Luka 23:9 - Kilagane Kisha (Kenya)

⁹ Kwa vizho Herode arihomona Jesu, wamuza-muza maswali manji, ela Jesu k'amudzigidzyire bule.

Luka 23:9 ပူးပေါင်းရင်းမြစ်များ

Math'ayo 27:14

Ela Jesu ye akithuwa kunyamala vizho bila kudzigidzya hatha ango mwenga, hatha ye P'ilato vikimwangalaza zhomu zhenye.

1 P'et'ero 2:23

ambaye arihosholerwa k'aaujizire masholo, arihopata thabu k'agoshere mut'u, ela akidzambozera kwa iye Mulungu ahukumuye kwa hachi.

Mahendo 8:32

Haryahu hat'u arihokala anashoma ni haha haambaho vivi, “Iye wakala ni dza here ng'ondzi idziyothongozhwa kwendatsindzwa, naye dza here mwana wa ng'ondzi anyamalazho mbere za iye amunyolaye nyoga, iye naye dzazho, wanyamala.

Luka 13:32

Jesu akidzigidzya akiamba, “Endani mukarambire ro kala kukala, ‘Ninamboza p'ep'o na kuhoza at'u vivi rero na machero, na indihofika siku ya hahu ndagonya kazi yangu.’

Math'ayo 7:6

“Usihale vit'u vieri ukavip'a k'uro, kwani mandakugalukira makutharure-tharure. Kidza usihale lulu be ukazitsuhira nguluwe, kwani mandazizhoga-zhoga.”

Math'ayo 27:12

Ela o alombi abomu na athumia a Kiyahudi marihomushithaki, Jesu wanyamala zii kamare.

Mariko 15:5

Na here ho chaho Jesu akithuwa kumunyamalira. Vivi vikimumasha P'ilato.

Luka 23:10

Kuno ko, o alombi abomu na alimu a Sheria maimire haho na manasita kuamba Jesu ana makosa.

Johana 19:9

Kidza achangira kaheri mo nyumbani mwakwe, hamwenga na Jesu. Gonya akimuza akiamba, “Kwenu ni hiko we?” Ela Jesu akinyamala zii.