Luka 14:11 - Kilagane Kisha (Kenya)

¹¹ Mana iye ahendzaye kudzanula andatserezwa, na iye adzitserezaye bai andanulwa.”

Luka 14:11 ပူးပေါင်းရင်းမြစ်များ

Luka 18:14

Jesu arihogonya kunena vizho, akiamba, “Jeri wenye namwambira, yuyu muthozi wa kodi be wakwenda kwakwe mudzini akikala adzahendywa muhachi ni Mulungu, ela ye Farisayo k'avikalire vizho bule, mana mut'u ahendzaye kudzanula, andatserezwa, ela mut'u adzitserezaye andanulwa.”

Math'ayo 23:12

Kwani kila andiyedzinula andatharamushwa, ela andiyedzitharamusha andanulwa.”

Jakobu 4:6

Ela bai Mulungu nikuhuonera mbazi sana, ndosa Maoro ganaamba, “Mulungu nikuapinga at'u madzionyao, ela nikuap'a nema at'u ap'ore.”

1 P'et'ero 5:5

Nanwi vijana nanwi, kahi za ngira iyo vizho, asikireni azee. Amasihia nyosini kalani at'u musiodzionya, ili muhumikirane, mana Maoro ganaamba, “Mulungu nikuapinga at'u madzionyao, ela nikuap'a nema at'u ap'ore.”

Jakobu 4:10

Dzitserezeni kwa Bwana Mulungu naye andamwanula.

Luka 1:51

Iye waugoloza wo mukonowe wa nguvu na akiatsamula-tsamula o at'u madzionyao hamwenga na go maazo gao garigo mo vitswani mwao.

Luka 1:52

Kidza waathinya athawali kula kahi za vihi zhao zha endzi, na akianula at'u mario hatha k'amaonewa kit'u ni mut'u.

Luka 14:12

Gonya Jesu akimwamba ye mwenye mudzi, “Uikaho sherehe ya chakurya cha mutsana hedu cha dzulo, usiasunge asenao, hedu nduguzo, hedu mbarizo, hedu majiranio mashaha, kwa kukala ukihenda vizho, ao nao mandakusunga na vindakala ni here madziokuriha.

Jakobu 1:9

Vikara ndugu yoyosi ariye ni masikini, anulwaho anav̱irya ahende raha.

1 P'et'ero 5:6

Kwa vizho dzitserezeni mbere za nguvu za Mulungu, naye andamwanula kahi za wakathi ufwahao.