Juda 1:4 - Kilagane Kisha (Kenya)

⁴ Kwani at'u masiomuhendza Mulungu manyapa-nyapa hatha makidzangiza kahi zehu hasiho mut'u kumanya. Nao manaamba, “H'aa Mulungu ana mbazi mizaha bai! Hatha mut'u akakala mukolo dzadze kisha k'avina hatha na ut'u.” Na at'u aa manakana kamare kukala ni suthi humwogohe Jesu Masihi dza here Mulungu na Bwana wehu. Ao maroorerwa kuhukumiwa hangu kapindi na kapindi kwa kutsamugoha Mulungu, managaluza nema ya Mulungu wehu kukala kit'u kisicho na mana.

Juda 1:4 ပူးပေါင်းရင်းမြစ်များ

Agalatia 2:4

Uv̱oro uwo wa kwangizwa lwembeni, wakudza na at'u mariodzihendya kukala ni ndugu na makidzangiza kahikahi zehu kisiri. Lengo rao were ni kuchunguza na kuhunongera uhuru wehu furio nao kahi za Masihi Jesu, na mafuhendye atumwa a Sheria ya Kiyahudi.

2 P'et'ero 2:10

Kwandza aryahu athiriri malongozwao ni th'amaa mbii-mbii za miri yao na k'amamwagoha Bwana Mulungu be tha ndo mandioona romu zhomu. Alimu aa a ulongo be k'amagoha kit'u na manadzikulula k'amuna; ao manadhyoma hatha o malaika abomu mario ko dzulu mulunguni.

1 Johana 2:22

Mut'u mulongo ni yuyahu aambaye kukala, Jesu si iye Masihi ariyeambwa andakudza. Mut'u dza yuyu nde mupingi wa Masihi. Anamukahala iye Baba Mulungu hamwenga na iye Mwanawe.

1 P'et'ero 2:16

Ishini here at'u mario huru, ela hamwenga na vizho musiuhumire wo uhuru wenu kuhenda mai kisiri-siri, ela kalani here atumwa a Mulungu.

1 P'et'ero 2:8

Na kidza Maoro mangine ganaamba vivi, “Iwe riro rindaahendya at'u marikwale, nao makirikwala rindaagwaga.” Kwani ao makwala kwa kukala ao were k'amasikira ro neno ra Mulungu ambazho be ndo marizhopangirwa.

2 T'imoth'i 3:6

Kwani kahi za aa, ma kuko mario kazi yao ni kunyerereka midzi-midzi na kuateka anaache masio na nguvu, kidza madzioremerwa ni dambi na mathawalwao ni kila samupuli ya th'amaa mbii.

Agalatia 5:13

Ela ninwi ndugu zangu, Mulungu wamwiha ili mukale huru. Ela bai, musiuhumire uhuru uwo kwa kuthuwa maut'u mai gahendzwago ni mwiri, hat'u ha vizho humikiranani kwa mahendzo.

2 P'et'ero 3:7

Kidza hatha vivi, kwa kuhenda kunena thu, mulunguni na ts'i, vidzaikwa vizho muhaka ho Mulungu andihovinonga-nonga kwa kuviocha na moho. Siku iyo, at'u mario k'amamufwahiza Mulungu mandahukumiwa na manongwe-nongwe kamare.

Juda 1:15

kudzahukumu at'u mariohenda maut'u garigo si ga kimulungu na kwa ut'u wa maneno mapashu-mapashu marigonena dzulu za Mulungu.”

1 P'et'ero 4:18

Here Maoro gaambazho, “Vikikala ni vikomu ahachi kuokolwa, vidze kwa o mario k'amakimulungu na mario na dambi vindakaladze?”

Aefeso 4:14

Fukikala vizho, k'afundakala here ahoho, kutsufwa kuno na kuno, na kuhalwa ni p'eho za mafundisho ga ulongo gadzago na at'u ajanja, ili maangamize ngira angine na uwo ujanja wao.

Mahendo 15:24

Siswi fwapata uv̱oro kukala kuna at'u fulani mariombola kahi zehu hasiho ruhusa yehu na makidza kuko makidzamubudzya akili kwa gago marigonena.

Mahendo 11:23

K'uzhona, Barinaba arihofika kuko na kuona viryahu ambazho Mulungu wakala adzaahasa, wafwahirwa na akiangiza moyo osini ili maenderere kumukuluhira Bwana na mioyo yao yosi.

Johana 17:3

Vikara uzima wa kare na kare ni uu, kwamba makumanye uwe Mulungu wa jeri na wa h'akeye na Jesu Masihi uriyemuhuma.

Math'ayo 13:25

Vikara siku iyo vizho, hadhui wa kwakwe naye, akithariza hatha at'u machangira ndazini, achendamwaga-mwaga ngano ya vuweni kahi za yo ngano yenye.

Ugunulo 15:4

Ni h'ani Bwana asiyekugoha na kurilika dzinaro? Uwe h'akeyo ndiwe uriye u mueri Bwana. Na kwa kukala mahendogo ga hachi ganaonekana lwazu, makabila gosi ga at'u gandakudza na gakuvoye uwe.”

1 T'imoth'i 5:8

Ela chamba mut'u k'aatsundza amanyie, haswa aryahu mario ni adamue mwenye, be mut'u iye ni kukala adzariricha ro kuluhiro naye hatha baha mut'u ariye k'amumanya Mulungu kamare.

2 T'imoth'i 2:12

Chamba fundaenderera kuvumirira, hundathawala hamwenga naye. Fukimukana iye naye andahukana.

2 P'et'ero 2:7

Bai kahi za mudzi uwo wa Sodomu kwere kuna mut'u ariyeifwa Lutu. Lutu were ni muhachi naye were k'atsamirwa kamare ni go maitsi-maitsi ga at'u a midzi iyo. Were kila wakathi akiona hedu kusikira go maitsi gakalago mumo, be were akashikithika sana moyoni mwakwe. K'uzhona bai, Mulungu arihokala anamala kuyononga-nonga yo midzi wamuthizha ye Lutu, kwa kukala were ni muhachi.

Juda 1:18

Kwani maamba vivi, “Siku za mwisho kundambola at'u mandiomuzazigira Mulungu, nao ni at'u mahendao garyahu gasigomufwahiza Mulungu.”