Johana 6:15 - Kilagane Kisha (Kenya)

¹⁵ Kidza Jesu akimanya kukala were manamala kudzamugwira mamuhendye muthawali kwa nguvu. Kwa vizho akiachimbira achenda murimani na akikala h'akeye.

Johana 6:15 ပူးပေါင်းရင်းမြစ်များ

Johana 18:36

Jesu akidzigidzya akiamba, “Uthawali wangu si wa urumwengu uu. Kalaho uthawali wangu ni wa urumwengu uu, at'u angu, kwa hakika ngere madzaheha na aryahu Ayahudi ili masinigwire. Ela bai uthawali wangu si wa urumwengu.”

Luka 19:38

Makiamba, “Naalikwe iye muthawali adzaye kahi za dzina ra Bwana! Dheri narikale ko mulunguni, na nguma yende kwa Mulungu ariye dzulu!”

Mariko 11:9

Na at'u mariokala ma mbere, na ao mariokala nyuma zao mapiga k'ululu makiamba, “Hosana! Naalikwe iye adzaye kwa dzina ra Bwana!

Aeburania 4:13

K'akuna chumbe chochosi kiricho ndani-ndani zhomu, hatha Mulungu akale k'adima kuchona. Iye anaona kila kit'u, mana kwakwe iye vit'u zhosi vi halamu na vinaoneka lwazu. Kidza fundakwenda hukanenet'o dzulu za mahendo gehu gosi mbere za kwakwe iye.

Johana 5:41

“Simala ishima kula kwa at'u.

Johana 6:3

Kidza Jesu akikwera kirimani na akikelesi na anafundzie.

Math'ayo 5:1

Lola siku mwenga, at'u anji makala manamudzalira Jesu. Vikara arihoona viryahu, akikwera dzulu za murima akikelesi. Bai anafundzie makimuthuwa kuko.

Johana 6:22

Siku ya hiriye muthunganano uriwokala nyangamo ya ziya wakumbukira kukala ni dau mwenga h'akeye ririrokala haho. Kwa vizho makimanya kukala Jesu k'endere na anafundzie mo dauni ela makala madzamuricha.