Johana 2:21 - Kilagane Kisha (Kenya)

²¹ Ela Jesu were ananena vivi kuhusu Hekalu ra uwo mwiriwe.

Johana 2:21 ပူးပေါင်းရင်းမြစ်များ

1 Akorintho 6:19

Vidze k'amumanya kukala miri yenu ni hekalu ra ye Roho Mweri muriyegerwa ni Mulungu, na anatoa ndani mwenu? Ninwi k'amua ninwi enye bule, mu a Mulungu.

1 Akorintho 3:16

Vidze, k'amumanya kukala mu hekalu ra Mulungu, na Roho wa Mulungu anakala ndani mwenu?

Aeburania 8:2

Anahenda kazi ya ulombi kahi za ho hat'u haeri, ndani ya ro hema ra jeri ririroakwa ni Bwana mwenye, si hema ririroakwa ni mudamu.

Akolosai 2:9

Mana mafundisho ga Masihi ni ga ujeri, kwa kukala ye Masihi ariyezhalwa na akiishi haha dhuniani bai ni Mulungu kamare-kamare na ana nguvu zosi.

Akolosai 1:19

Kwani Mulungu waonat'o kuishi kamare-kamare kahi za Masihi.

2 Akorintho 6:16

Vidze, Hekalu ra Mulungu, rina uhusiano wani na vizuka? Kwani siswi hu Hekalu ra Mulungu ariye moyo. Mana Mulungu wanena akiamba, “Nindahenda makalo gangu kahi za at'u angu. Nindakala Mulungu wao nao mandakala at'u angu.”

Johana 1:14

K'uzhona zho, Neno akikala mut'u na akitoa hamwenga naswi. Bai hukiona ngumaye. Nguma ii were ni yakwe kwa kukala were nde Mwana wa h'akeye kula kwa babaye, naye were adzere nema na ujeri.

Johana 2:22

Bai arihofufuka, anafundzie makumbukira kukala ut'u uu were waunena kare. Ndo makikuluhira garyahu Maoro na riryahu neno arironena Jesu.