Johana 12:40 - Kilagane Kisha (Kenya)

⁴⁰ “Mulungu adzagahendya matso gao gasione na adzaihendya mioyo yao ikale mikomu masidze makaona na matso gao na mioyo yao ikang'alirwa, makanigalukira mimi, nikaahoza.”

Johana 12:40 ပူးပေါင်းရင်းမြစ်များ

Luka 8:10

Jesu akiamba, “Ninwi mwajaliwa kuzimanya zo siri za uthawali wa Mulungu, ela kwa at'u angine ninanena kwa mafumbo, ili ‘malole, ela masione, masikize, ela masing'alirwe.’ ”

Mariko 4:12

kwamba malole na kulola, ela masione, masirikize na kusirikiza, ela masing'alirwe. Kwani kala makaona na kung'alirwa makamuuyira Mulungu, naye akaausiza dambi zao.”

Mahendo 3:19

Kwa vizho bai, thubuni mumuuyire Mulungu, ili afute makosa genu.

Johana 9:39

Jesu akiamba, “Nakudza urumwenguni na hukumu kwamba masioona, maone na maonao makatsaona.”

Luka 4:18

“Roho wa Bwana a hamwenga nami, kwani adzanihaka mafuha ili nihubiri wo Uv̱oro Udzo kwa akiya. Iye Bwana adzanihuma niambire o mario jela mavugulwe. Kidza ao mario ni vipofu madime kuona, na adzanihuma ili ao mario manaonerwa niaike huru,

Arumi 9:18

Kwa vizho bai, Mulungu nikumuonera mbazi kila ahendzaye kumuonera mbazi. Kidza anadima kumuhendya mut'u yoyosi akale na singo nyomu here ahendzazho iye.

Mahendo 28:26

Kwani waamba, ‘Enda ukaambirize at'u aa, uambe: Mundasirikiza na kusirikiza, ela k'amundang'alirwa bule. Mundalola na kulola, ela k'amundaona bule.

Math'ayo 15:14

Aricheni, ao ni vipofu malongozao vipofu andziyao. Na kipofu akimulongoza kipofu mwandziwe, k'amafikahi bule, osi mandavoromoka winani.”

Mahendo 15:3

H'aya makihumwa ni ro kanisa, nao machenda. Kahi za charo chao, makira na Fonike na Samaria, kuko makiambira o at'u viryahu ambazho o at'u mario si Ayahudi mamugalukira Mulungu. Bai uv̱oro uu waahenda o ndugu mafurahi sana.

Mariko 6:52

kwa kukala hatha bada ya kuona wo muujiza wa mikahe kidza were k'amadzangwe kung'alirwat'o bule kwani zo akili zao zere zidzaziywa.

Johana 12:39

Kwa chausa kiki k'amadimire kukuluhira. Kwani Isaya waamba kaheri,