Jakobu 4:6 - Kilagane Kisha (Kenya)

⁶ Ela bai Mulungu nikuhuonera mbazi sana, ndosa Maoro ganaamba, “Mulungu nikuapinga at'u madzionyao, ela nikuap'a nema at'u ap'ore.”

Jakobu 4:6 ပူးပေါင်းရင်းမြစ်များ

Math'ayo 23:12

Kwani kila andiyedzinula andatharamushwa, ela andiyedzitharamusha andanulwa.”

1 P'et'ero 5:5

Nanwi vijana nanwi, kahi za ngira iyo vizho, asikireni azee. Amasihia nyosini kalani at'u musiodzionya, ili muhumikirane, mana Maoro ganaamba, “Mulungu nikuapinga at'u madzionyao, ela nikuap'a nema at'u ap'ore.”

Luka 14:11

Mana iye ahendzaye kudzanula andatserezwa, na iye adzitserezaye bai andanulwa.”

Luka 18:14

Jesu arihogonya kunena vizho, akiamba, “Jeri wenye namwambira, yuyu muthozi wa kodi be wakwenda kwakwe mudzini akikala adzahendywa muhachi ni Mulungu, ela ye Farisayo k'avikalire vizho bule, mana mut'u ahendzaye kudzanula, andatserezwa, ela mut'u adzitserezaye andanulwa.”

Luka 1:52

Kidza waathinya athawali kula kahi za vihi zhao zha endzi, na akianula at'u mario hatha k'amaonewa kit'u ni mut'u.

Math'ayo 13:12

Kwani kila ariye nacho andangezwa, akale na vinji, ela ariye k'ana kit'u kamare, hatha cho kichache aricho nacho kidza andakihokwa.

Jakobu 4:10

Dzitserezeni kwa Bwana Mulungu naye andamwanula.