Jakobu 1:10 - Kilagane Kisha (Kenya)

¹⁰ H'aya, yuyahu ndugu ariye ni thajiri, wakathi andihotharamushwa, naahende raha pia, mana iye a here maluwa. Maluwa nikung'ala-ng'ala gonya gakabagarika gosi, iye naye maishage ni mafuti.

Jakobu 1:10 ပူးပေါင်းရင်းမြစ်များ

Math'ayo 5:3

“Baha ao akiya kahi za roho, mana uthawali wa mulunguni ni wao.

Math'ayo 6:30

H'enwi at'u a kuluhiro thithe nwi! Kala Mulungu anadima kuzipamba zo nyasi za vuweni ambazo rero zi haha na machero zinatsufwa mohoni zishe, h'e seze nwi. Samba Mulungu andamuvika zaidhi?

1 Akorintho 7:31

Na at'u mauhumirao urumwengu uu, namakale here kwamba k'amana shuhuli nawo. Kwani urumwengu uu unakira.

Afilipi 3:8

Ee, kila kit'u nachona ni hasara kwa viryahu kumumanya Masihi Jesu Bwana wangu, kurizho na mana zhomu kukira zhosi. Kwa ut'u wa iye nidzavitsuha zhosi k'anda, here mavi, ili nimupate Masihi

1 T'imoth'i 6:17

Vikara aryahu mario ni mathajiri kahi za urumwengu wa vikara, ambire masidzionye hedu kuhenda th'amaa na mali zisizokuluhirika, ela hat'u ha vizho nimakale na th'amaa na Mulungu, ahup'aye vit'u zhosi kwa unji, ili vifufwahize.

Jakobu 4:14

Vidze munamanya machero mundalamuka azima? Ninwi mu here kunje thu. Kunje ni kugit'ana kwa muda, gonya ukahenda kuona ridzangamika kare.

1 P'et'ero 1:24

Kwani, “At'u osi ni here nyasi. Nyasi ni kuwanda gonya zikanyala, na kidza nguma yao ni here maluwa, maluwa ni kukalat'o gonya gakabagarika gosi.

1 Johana 2:17

Bai uu urumwengu hamwenga na gago maut'uge gahendzwago ni anadamu, zhosi vindakira, ela mut'u andiyehenda mahendzo ga Mulungu, andaishi kare na kare.