Afilipi 4:20 - Kilagane Kisha (Kenya)

²⁰ Bai Mulungu Babiyehu naagerwe nguma kare na kare. H'aami.

Afilipi 4:20 ပူးပေါင်းရင်းမြစ်များ

Arumi 11:36

Kwani kila kit'u chambola kwakwe, na kila kit'u ki kuko kukirira na nguvu za kwakwe. Na vit'u zhosi vinamuuyira mwenye. Mulungu naagerwe nguma hatha kare na kare. H'aami!

Ugunulo 14:7

Bai akinena zhomu akiamba, “Wakathi wa kumuhukumu mudamu udzafika. Kwa vizho mup'eni nguma Mulungu kidza muheshimuni. Muvoyeni iye ariyeumba mulunguni na ts'i, na bahari, na matso gosi ga madzi.”

Ugunulo 7:12

Makiamba, “H'aami. Kuhaswa, nguma, na ulachu, na muv̱era na ishima, na nguvu na wadimi vina Mulungu wehu hatha kare na kare. H'aami.”

Ugunulo 5:12

manaimba zhomu na kuamba, “Ye Mwana Ng'ondzi ariyetsindzwa anav̱irya kuhokera wadimi, na ushaha, na ulachu, na nguvu, na ishima, na nguma, na kuhaswa.”

Ugunulo 1:6

Wahuhendya huthawale hamwenga naye, na hukale alombi a Mulungu babaye. Nguma na wadimi navikale kwakwe ye Jesu hatha kare na kare. H'aami.

Juda 1:25

Kwa iye Mulungu h'akeye, ariye nde mwokoli wehu, nguma, na ubomu, na wadimi navikale kwakwe kukirira kwa Bwana wehu Jesu Masihi kula vivi hatha kare na kare. H'aami!

Afilipi 1:11

Ishini maisha ga kumufwahiza Mulungu kwa ngira ya Masihi, ili at'u makiona zho murizho munaishit'o, mamulike Mulungu na mamup'e nguma.

Ugunulo 11:13

Na wakathi uwo wenye ts'i ikithukuka ut'u wa kwangalaza. Sehemu mwenga ya sehemu kumi za wo mudzi yagwa na ikilaga at'u alifu fungahe. O at'u mariothia, mangirwa ni woga na makimup'a nguma Mulungu ariye dzulu mulunguni.

1 T'imoth'i 1:17

Vikara naagerwe nguma na aishimiwe iye Mulungu ariye muthawali wa kare na kare, ariye k'adima kufwa, k'adima kuonewa na matso na iye thu nde Mulungu h'akeye. Bai Mulungu iye naagerwe nguma na aishimiwe hatha kare na kare! H'aami.

Afilipi 4:23

Bai Bwana Jesu Masihi naamuhase zhomu asena na akale hamwenga na maroho genu.

Arumi 16:27

Ndo nguma naikale kwa Mulungu, kukirira na kwa Jesu Masihi, kwani iye h'akeye ndiye mulachu. Nguma naikale kwakwe hatha kare na kare. H'aami.

Math'ayo 28:20

Na muafundishe magagwire maut'u gosi nirigomulagiza. Na lola mimi nindakala hamwenga nanwi siku zosini muhaka mwisho wa dhunia.”

Math'ayo 6:9

Bai muvoyaho, voyani vivi: Babiyehu uriye ko mulunguni, dzinaro narikale rieri,