Aeburania 4:3 - Kilagane Kisha (Kenya)

³ Ela siswi fukuluhirao, nikwangira kahi za haryahu hat'u ha kuoya. Ela ao mario k'amakuluhirire, Mulungu mwenye wanena akiamba, “Nalaha kwa k'oro za kwangu, kukala, ‘K'amandangira ng'o haryahu hat'u hangu ha kuoya.’ ” Mulungu wanena vivi, ingahokala kaziye ya kutengeza hat'u ha kuoya were waigonya kare hangu kuumbwa kwa urumwengu.

Aeburania 4:3 ပူးပေါင်းရင်းမြစ်များ

1 P'et'ero 1:20

Masihi yuyu were watsagulwa ni Mulungu aakombole anadamu hangu urumwengu k'audzaumbwa, ela akimanyiswa lwazu makathi gaga ga siku za mwisho kwa ut'u wenu.

Aeburania 9:26

Kwani kala were ni muhimu kumboza sadaka kwenda-kwenda, ngere hangu urumwengu uumbwe, anafwa akiandzat'o hatha vivi. Ela here virizho, wakudza siku zizi za mwisho, ili kwa kudzimboza sadaka iye mwenye, akause dambi zosi. Naye wavihenda lumwenga lwenye na vikithosha.

Aefeso 1:4

Kwa mahendzo, Mulungu wahutsagula kabila urumwengu k'audzaumbwa, kwamba fukale aeri bila kaila kokosi mbereze.

Aeburania 3:11

Nalaha kwa k'oro za kwangu, kukala, ‘K'amandangira ng'o haryahu hat'u hangu ha kuoya.’ ”

Math'ayo 13:35

Bai wahenda vivi ili maneno garigonenwa ni nabii mumwenga ho kapindi gathimire. Kwani nabii iye wanena akiamba, “Nindahumira mafumbo kunena maut'u garigofitswa hangu kuumbwa kwa urumwengu.”

Aeburania 3:14

Na kala ro kuluhiro rehu furirokala naro hangu ho chaho, fundarigwira hatha mwisho, be funa muthalo hamwenga na Masihi.

Math'ayo 25:34

Gonya ye Muthawali andaambira aryahu mandiokala mukono wa kurya, ‘Ndzoni kuno nwi at'u muriohaswa ni Baba. Ndzoni muhale uthawali muriwothayarishirwa ni Baba hangu urumwengu k'audzaumbwa.