Aeburania 1:6 - Kilagane Kisha (Kenya)

⁶ Na kidza, Mulungu amurehaho Mwanawe wa kwandza urumwenguni, anaamba, “Malaika osi a Mulungu namamuvoye.”

Aeburania 1:6 ပူးပေါင်းရင်းမြစ်များ

Math'ayo 24:14

Na Uv̱oro uu Udzo wa uthawali wa mulunguni undahubiriwa urumwengu muzima, ili ukale ushahidhi kwa makabila gosi, ndo wo mwisho udze.”

Johana 1:14

K'uzhona zho, Neno akikala mut'u na akitoa hamwenga naswi. Bai hukiona ngumaye. Nguma ii were ni yakwe kwa kukala were nde Mwana wa h'akeye kula kwa babaye, naye were adzere nema na ujeri.

Johana 1:18

K'ahana mut'u ariyemona Mulungu, ela ye Mulungu Mwana, ariye ni Mwana wa h'akeye ariye lagani hakwe nde ariyehumanyisa iye Mulungu.

Johana 3:16

“Kwa mana Mulungu wauhendza urumwengu zhomu hatha akimulazha Mwanawe wa h'akeye ili kila amukuluhiraye asingamike, ela akale na uzima wa kare na kare.

Arumi 8:29

Kwani aryahu at'u mario Mulungu waatsagula, pia wapanga mahalane na Mwanawe. Bai wahenda vivi ili ye Mwanawe akale musundula tsandzu, kidza akale na nduguze anji enye.

Akolosai 1:15

Vizho arizho Masihi zhenye, ndizho arizho ye Mulungu ariye k'aoneka. Na yuyu Masihi ndiye mwenye wadimi dzulu za kila kit'u kirichoumbwa.

Akolosai 1:18

Nde kitswa cha mwiri, yani kanisa. Iye ndiye chandzo cha maisha masha na ndiye wa kwandza kufufuka na kuishi kare na kare. Kwa vizho iye yu dzulu za kila kit'u.

Aeburania 1:5

Kwani k'akuna malaika hatha mumwenga ariyeambwa ni Mulungu kukala, “Uwe u Mwanangu; mimi vivi rero nidzakala Babayo.” Kidza k'akuna malaika ariyeambwa ni Mulungu kukala, “Mimi nindakala Babaye, Naye andakala Mwanangu.”

Aeburania 10:5

Kwa ut'u uwo wenye bai, Masihi arihokudza haha urumwenguni, wanena na Mulungu akiamba, “Uwe k'umalire sadaka na vigerwa, ela wanithayarishira mwiri.

1 P'et'ero 3:22

Iye Jesu Masihi wakwenda mulunguni na kidza akelesi mukono wa kurya wa Mulungu. Malaika osi, na wadimi na nguvu zhosi vi ts'inize.

1 Johana 4:9

Mulungu wafwanyesa kukala anafuhendza kwa kumuhuma Mwanawe wa h'akeye haha dhuniani, ili kukirira na iye fudime kuishi.