2 T'imoth'i 4:14 - Kilagane Kisha (Kenya)

¹⁴ Alekizanda, yuyahu musanyi, wanihendera nav̱isi sana. Bai Bwana andamona kwa gago gosini arigohenda.

2 T'imoth'i 4:14 ပူးပေါင်းရင်းမြစ်များ

1 T'imoth'i 1:20

Mufano wa at'u dza vizho ao ni Humenayo na Alekizanda, mario naalazha kwa Shethani mangizwe akili, ili masinene kufuru kaheri.

2 Ath'esalonike 1:6

Mulungu ni wa hachi, kwa vizho aryahu mario manamutesa ninwi, ao nao andaariha mateso.

Ugunulo 18:6

Bai vizho arizhoahendera at'u, nanwi muhendereni dza vizho zhenye. Muriheni k'ana mbiri ya vizho arizhohenda. Mutsohereni kikombe cha divai mbifu k'ana mbiri ya cho arichokitsoha iye.

Arumi 12:19

Ahendzwi, musirihize bule, ela zirichireni nafasi k'oro za Mulungu. Kwani Maoro ganaamba kukala, “Bwana anaamba, kurihiza nirichirani, mimi nindarihiza.”

Ugunulo 18:20

Hendani raha ninwi mutoao kuko mulunguni, mana Mulungu adzauhukumu uwo mudzi mubomu wa Babiloni kwa gago urigomuhendera. Ninwi at'ue, na ahumwi, na manabii, nanwi hendani raha, mana Mulungu adzauhukumu uwo mudzi wa Babiloni kwa gago urigomuhendera.

Ugunulo 6:10

Makinena kwa sauthi bomu makiamba, “H'ewe Bwana mueri na mujeri, at'u a urumwengu mafwalaga, vikara unaalolera hatha rini? K'uahukumu ukaarihiza bai?”

1 Johana 5:16

Mut'u akimona nduguye anahenda dambi isiyomuhirika kifwani, ni amuvoyere na Mulungu andamup'a uzima. Gaga ninaganena haswa kwa aryahu at'u ambao dambi zao zinaarehera kifwa. Ela bai kuna dambi nyingine idimayo kumuhirika mut'u kifwani, vikara siamba muavoyere at'u mahendao dambi iyo bule.

Arumi 2:6

Kwani Mulungu andamuriha kila mut'u karakara na mahendoge arigogahenda.

2 T'imoth'i 4:15

Uwe nawe, baha udzimanyirire naye, kwani mut'u iye washindana naswi sana wakathi hurihokala hunahubiri.