1 Ath'esalonike 5:7 - Kilagane Kisha (Kenya)

⁷ Mana ao at'u malalao, malala usiku, na ao mareyao mareya usiku-usiku.

1 Ath'esalonike 5:7 ပူးပေါင်းရင်းမြစ်များ

2 P'et'ero 2:13

Mandarifwa mai kwa go mai marigoahendera andziyao. Alimu ao vizho mandaika sherehe za kuhendera mathuruthuru hatha na mutsana wenye. At'u aa mandihokudzarya nanwi, mandamuaibisha na kumuhaka nyenye, kuno manaenderera na t'abia zao za ukengi.

Arumi 13:13

Nafuishi maisha madzo here at'u a mutsana mav̱iryazho kuishi. Musikale na namuna yoyosi ya urevi, hedu uzindzi. Musihehe hedu kuonerana wivu.

1 Akorintho 15:34

H'aya, tsundzulukwani here viv̱iryazho, muriche kuhenda dambi, mana angine enu k'amamumanya Mulungu bule. Ninanena vivi kwamba nimugwize haya.

Mahendo 2:15

Kwani at'u aa si kwamba madzarea dza here muonazho, kwandza vivi hatha ni saa t'ahu zenye za madzach'a!

Aefeso 5:14

Kwani mulangaza ndiwo uhendao kit'u kikaoneka lwazu. Ndosa at'u ni kuamba, “Lamuka we urereye, fufuka kula kuzimu, na Masihi andakung'alira.”

Johana 2:10

na akimwamba, “Kawaida mut'u ni kumboza divai mbidzo kwandza ndo gonya kala at'u madzanwa zhomu zhenye, akamboza yo mbii-mbii, ela we vivi udzayika yo mbidzo hatha vivi ndo unayomboza.”

Aefeso 5:18

Musiree bule, mana divai indamwangamiza, ela hat'uhe, dzazwani Roho Mweri,