1 Akorintho 7:30 - Kilagane Kisha (Kenya)

³⁰ At'u marirao namakale here kwamba k'amarira bule. At'u enye raha namakale here kwamba k'amana raha. At'u magulao vit'u namakale here kwamba k'amana kit'u.

1 Akorintho 7:30 ပူးပေါင်းရင်းမြစ်များ

Johana 16:22

Ninwi vivi muna kigondzi, ela mimi nindamona kaheri na mioyo yenu indadzala furaha, furaha ambayo k'akuna adimaye kuyusa kwenu.

Luka 6:25

Shauri yenu ninwi murio vivi mukusi, mana mundasikira ndzala. Shauri yenu ninwi murio vivi munapiga kw'akw'a, mana mundapiga yapiyowe na kurira.

Luka 6:21

Baha ninwi murio vivi kare muna ndzala, mana mundakushwa. Baha ninwi murio vivi kare munarira, mana mundatseka.

Ugunulo 18:7

Mwangizeni kigondzi na mumutese dza viryahu arizhodzip'a nguma na uwo ukolo wa kwakwe. Kwani iye anadziamba kimoyo-moyo, ‘Mimi nikeresi here muthawali muche. Si muche gungu mino na sindangirwa ni kigondzi chochosi.’

Ugunulo 7:17

Kwa kukala ye Mwana Ng'ondzi ariye kahikahi za cho kihi cha endzi, andakala murisa wao na andaalongoza kwenda ko kwenye matso ga madzi ga uzima. Na Mulungu andaafuta matsozi gao gosi.”

Luka 16:25

Ela Burahemu akimudzigidzya akiamba, ‘Mwanangu, kumbukira kukala uwe kahi za maishago were una maut'u madzo-madzo, ela Lazaro ye akikala ana go mai-mai mahuhu, vivi vikara bai ye Lazaro ana raha nawe unateswa.

1 Akorintho 7:29

Ndugu zangu, nikinena vivi ninaamba kukala, wo muda usereo be ni muchache. Kwa vizho kula vivi be at'u enye ache namaishi here kwamba k'amahalire.

1 Akorintho 7:31

Na at'u mauhumirao urumwengu uu, namakale here kwamba k'amana shuhuli nawo. Kwani urumwengu uu unakira.