1 Akorintho 5:9 - Kilagane Kisha (Kenya)

⁹ Kahi za baruwa niriyomwandhikira, namwambira kukala musigwirane na azindzi bule.

1 Akorintho 5:9 ပူးပေါင်းရင်းမြစ်များ

Aefeso 5:11

Na kidza musihusike na maut'u ga kizani, garigo k'agana faidha yoyosi, ela hat'u ha vizho gang'azeni.

2 Ath'esalonike 3:14

Mut'u yoyosi ariye k'andagagwira gaga malagizo gehu mumu baruwani, mulolenit'o na musigwirane naye kaheri, ili agwirwe ni haya.

2 Ath'esalonike 3:6

Vikara ndugu, funamulagiza kahi za dzina ra Bwana Jesu Masihi kukala: Musigwirane na ndugu yoyosi ariye ni mukaha na k'athuwa gago malagizo furigomup'a.

2 Akorintho 6:14

Musigwirane ngwa na at'u masiokuluhira. Kwani kuna uhusiano wani kahi za uhachi na uthiriri? Hedu kuna usena wani kahi za mulangaza na kiza?

1 Akorintho 5:7

H'aya bai, mbozani ts'ats'u yosi mukale unga musha udziwovugwa bila ts'ats'u. Na ni jeri kukala ninwi k'amuna ts'ats'u bule kwa kukala Masihi ariye nde ng'ondzi yehu ya P'asaka wambozwa sadaka akihutsusa.

1 Akorintho 5:2

Kidza ambwa munadzionya. Badala ya kurira nwi munadzionya. Ye ariyehenda vizho be mwambozeni mara mwenga mo kanisani.

2 Akorintho 6:17

Kwa vizho, “Bwana anaamba, Mbolani kahi zao, mudzithenge nao. Musigut'e kit'u kikolo bule, nami nindamukaribisha.

1 Akorintho 5:10

Kunena vizho si kuamba kukala musigwirane na at'u masiomumanya Mulungu mario ni azindzi, hedu aivi, hedu enye kidzitso, hedu mavoyao vizuka. Hatha bule. K'amudima kuthengana na at'u dza ao, simanya mwambole kamare mumu urumwenguni bai.