PSALMS 99:3 - Navajo Bible

³ Nízhi' ayóó át'éii índa t'áá íiyisí bits'ąą hasti'ii yee danózhíigo naa dahaniih le'! Háálá hó jidiyin!

PSALMS 99:3 ပူးပေါင်းရင်းမြစ်များ

NEHEMIAH 1:5

ádíshní, Bóhólníihii Diyin God yá'ąąshdi honílóonii, nánooshkąąh; ayóó át'éii áádóó t'áá íiyisí bits'ąą hasti'ii nílíinii, Diyin God éí bee aha'deet'áanii áádóó aa a'ááh hasin ayóó'ádanó'níigo bibik'eh ó'oo'níiłii yik'eh dahół'íinii yá hasht'eyósinii nílíinii,

NEHEMIAH 4:14

Áko déé'į́į'go yiizį'go aląąjį' naazíinii índa naat'áanii danilíinii áádóó diné t'áá ał tso ábidííniid, T'áadoo béédaałdzidí; Bóhólníihii ayóó át'é áádóó bik'ee hóyéé'; éí béédaałniihgo nihik'isóó áádóó nihiye'ké índa nihitsi'ké áádóó niheda'asdzą́ą́ índa danihighan bich'ą́ą́h nidaahbaah.

NEHEMIAH 9:32

Éí bąą k'ad, nihiDiyin God nílíinii, Diyin God ayóó'át'éii áádóó bidziilii índa bik'e'íyée'ii nílíinii, bee aha'deet'áanii bi'íínísinii áádóó aa a'ááh hasin bee ááníiłii nílíinii, Asíriya dine'é aláahgo binanit'a'í dah nídahidinoobįįł yę́ędóó díí jį́įjį' nihí áádóó aláahgo nihindanit'a'í áádóó nihinanit'a'í danilíinii áádóó nihá nááda'iiłniihii, íinínízinii yee nihił dahalne'ii áádóó danihizhé'é yę́ę índa nidine'é t'áá ałtso nihich'į' dahodiis'ná'ígíí t'áá át'é t'áadoo t'įįhdígo át'éego baa nitsíníkeesí.

NEHEMIAH 9:5

Áko Líívai dine'é danilį́įgo Jéshuwa, Kádmiyel, Béínai, Hashabnáíyah, Sheriibáíyah, Hodáíjah, Shebanáíyah índa Pethaháíyah ádadííniid, Daohsįįhgo Bóhólníihii nihiDiyin God baa dahohniihgo hool'áágóó ahóyéel'áa doo; nízhi' ayóó át'éii éí ak'ihojidlíii índa aa ha'niihii biláahgo ayóó át'éego baa ha'niih doo.

PSALMS 100:4

Ahééh danohsingo yah ada'iiztiin góne' yah adahohkááh, áádóó baa dahohniihgo bikin bii' sohodizin bił haz'ą́ągi nidahohkááh! Bich'į' ahééh danohsin; bízhi' baa dahohniih!

PSALMS 103:1

Shii' sizíinii nílíinii, Bóhólníihii baa hóniih, áádóó t'áá ánóht'é shii' honohłóonii Bóhólníihii bízhi' diyinii bee yínízhíigo baa hóniih.

PSALMS 111:9

Hadine'é bik'é ninázh'doodléełii bich'į' ajííł'a'; bibee aha'deet'áanii hool'áágóó hólǫ́ǫgo yee haadzíí'. Bízhi' éí diyin áádóó bits'ąą hasti'.

PSALMS 145:17

T'áá ałtsojį' Bóhólníihii t'áá ákogi át'éii jílį́, áádóó jijooba'go t'áá ałtsoní ájoolííł;

PSALMS 66:3

Diyin God ádabidohní, Dooládó' ninaanish t'óó bik'eda'ayói da! Ayóó át'éego nidziilígíí bee ni'ana'í danilíinii niyaajį' ni'ádidoo'nił.

PSALMS 76:1

Júdah kéyahgi Diyin God béého'dílzin; Ízrel kéyahgi bízhi' ayóó át'é.

PSALMS 76:12

Naat'áanii danilíinii yee ádaa daha'niihii yąąh nahwiiłkaad. Nahasdzáán bikáá'góó aláahgo naat'áanii t'áá íiyisí bits'ąą daasti'.

ISAIAH 6:3

Áádóó ahidiníłnáago ałch'į' ádaaníigo kódaaní, T'áá ałtsoní bee Bóhólníihii éí diyin, diyin, diyin nilį́; nihokáá'góó t'áá át'é yee ayóó át'éii hólǫ́.

JEREMIAH 20:11

Nidi Bóhólníihii ayóó ábóodziilii bik'e'íyé'ígi át'éego shił hólǫ́. Éí bąą atídashijił'íinii ádił dazdoosih, áádóó doo shik'eh dazhdidoodleeł da. T'áadoo adih ádadziidzaaígíí biniinaa t'óó baa yádaznízin doo. Hool'áágóó ádił tsétah da'dziztł'ónígíí éí ts'ídá doo baa hodiyoo'nah da.

JOHN 17:11

K'ad nahasdzáán bikáa'gi doo nináánáshdáa da doo, nidi bí t'éiyá nahasdzáán yikáá' nidaakai doo, nidi shí k'ad nich'į' nihéénísdzá. ShiTaa' Diyin nílíinii, shaa hínínilígíí t'áá ni nízhi' bibee adziilii bee dayínítą', áko t'ááłá'í niidlínígi át'éego t'ááłá'í danilį́į doo.

DEUTERONOMY 28:58

Díí bee haz'áanii bits'ą́ą́dóó díí naaltsoos biyi' bee ak'eda'ashchínígíí doo ádaa daahsįįhgo bik'eh ádaahnééhgóogo, jó, díí ts'ídá ayóó át'éii índa ts'ídá bits'ąą hasti'go yízhí diyinii, Bóhólníihii nihiDiyin God bee bi'dójíii dadíínóhsin doo biniyé bee ak'e'ashchį́.

DEUTERONOMY 7:21

T'áadoo béédaołdzidí, háálá Bóhólníihii nihiDiyin God nihitahgi hólǫ́; éí Diyin God ayóó ábóodziilii áádóó bik'e'íyée'ii nilį́.

JOSHUA 24:19

Nidi Jáshowa éí diné áyidííniid, T'áá nihí doo Bóhólníihii bá nidaał'a' le' át'ée da, háálá Diyin God ts'ídá diyinii nilį́; éí Diyin God łe'nízinii nilį́; bee haz'áanii dahohtíihgo, doodaii' ádił da'íínółzíihgo éí doo nihá yóó'iididoo'áał da.

REVELATION 4:8

Áádóó díí ha'át'íí shį́į́ dahináanii dį́į'go yiiłtsánígíí t'ááłá'í nítínígo bit'a' dahastą́ągo t'áá naazį́į́ nít'éé' bii'dę́ę' nidi anáá' yee dadilkǫǫh, áko éí t'áadoo dadiiłheełí i'ii'aah áádóó niyiiłkaah kódaaní: Diyin, diyin, diyin, éí Bóhólníihii Diyin God Aláahgo Ayóó'áhóodziilii, hool'áádę́ę́' hojílóonii, k'ad hojílóonii, índa jidoogáałii!

I SAMUEL 2:2

Bóhólníihiigi át'éego doo ła' náádíyin da, háálá nigi át'éii doo ła' nááhódlǫ́ǫ da; nihiDiyin God éí tsé bine' na'adzi'ígi át'éego doo ła' nááhódlǫ́ǫ da.