PSALMS 9:2 - Navajo Bible

² Niniit'aa shił hózhǫ́ áádóó t'áá íiyisí shił hózhǫ́ǫ doo; Aláahgo Ayóó'át'éii nílíinii, nízhi' baa hashniihgo hashtaał doo.

PSALMS 9:2 ပူးပေါင်းရင်းမြစ်များ

PSALMS 138:1

Bóhólníihii nílíinii, shijéí t'áá át'é bee naa hashniih, diyin dabidi'níinii binááł nich'į' hashtaałgo naa hashniih doo.

PSALMS 26:7

áko t'óó bik'eda'ayóii baa nisíníyáii t'áá ałtso bee nahashne'go ahééh nisingo naa nahodishdlaad doo.

PSALMS 27:6

K'ad lá índa shida'ana'í bik'eh dishdlį́įgo de áshidi'doolnííł, áádóó biníbaal bii' hodílzinii biyi' shił hózhǫ́ǫgo Bóhólníihii bich'į' náá'iishniih doo; t'áá aaníí, Bóhólníihii baa hashniihgo bich'į' hashtaał doo.

PSALMS 28:7

Bóhólníihii bee shidziilii áádóó shinaage' nilį́; shijéí bee baa jííníshłíigo shíká análwo'; éí bąą shijéí t'áá íiyisí bił nihoozhǫǫhgo shiyiin bee baa hashniih doo.

PSALMS 43:4

Áko lą́ą índa Diyin God bibikáá' náá'iiniihí baa deeshááł; Diyin God t'áá íiyisí bee shił hózhóonii baa deeshááł. T'áá aaníí, Diyin God, shiDiyin God nílíinii, tsin tł'óół bąąh daneelzhee'go bee nida'a'néii bee naa hashniih doo.

PSALMS 5:11

Nidi niniit'a dahinichéehii bíni'dii bił dahózhǫ́; bíni'dii t'áá áłahjį' bił dahózhǫ́ǫgo nich'į' dahataał, áádóó bich'ą́ą́h nahóle' doo; nízhi' ayóó'ádayó'níinii ałdó' bíni' t'áá íiyisí naa bił dahózhǫ́ǫ doo.

PSALMS 7:17

Bóhólníihii t'áá ákogi át'éhígíí bik'ehgo bich'į' ahééh nisin doo, áádóó Bóhólníihii Aláahgo Ayóó'át'éii bízhi' baa hashniihgo hashtaał doo.

PSALMS 83:18

Áko nahasdzáán bikáá'góó t'áá níłtéél nít'éé' t'áá ni t'éiyá, Bóhólníihii yinílyéhígíí, Aláahgo Ayóó'át'éii nílį́įgo diné bił béédahózin le'.

PSALMS 86:12

Bóhólníihii shiDiyin God nílíinii, nich'į' ahééh nisin doo, áádóó shijéí t'áá át'é bee nízhi' baa hashniihgo ahool'áa doo.

PSALMS 92:1

Bóhólníihii bich'į' ahééh jinízingo yá'át'ééh. Aláahgo Ayóó'ánít'éii nílíinii, nízhi' baa hojiniihgo hojitaałgo yá'át'ééh.

PSALMS 92:4

Háálá, Bóhólníihii nílíinii, ninaanish bee shił hózhǫ́ǫgo áshiinilaa. Níla' bee íinilaaígíí baa shił hózhǫ́ǫgo hashtaał.

PSALMS 96:3

Yee ayóó át'éii ał'ąą dine'é bitahgóó baa dahołne'; diné t'áá ałtso bitahgóó t'óó bik'eda'ayóigo ááníiłii bee bił dahołne'!

PSALMS 97:12

Diné t'áá ákogi ádanoht'éii, Bóhólníihii baa nihił nidahoozhǫǫh! Jidiyinígíí béédaałniihgo bich'į' ahééh danohsin!

PSALMS 97:9

Háálá ni, Bóhólníihii nílíinii, nahasdzáán t'áá si'ą́ą́ nít'éé' biláahgo ayóó ánít'é. Diyin dabidi'níinii t'áá ałtso biláahgo ayóó át'éii nílį́.

DANIEL 5:18

Aláahgo naat'áanii nílíinii, Aláahgo Ayóó'át'éii Diyin God éí bee óhólnííh bił haz'áanii áádóó ts'ídá ayóó át'éii áádóó bee ayóó é'ét'éii índa ił ídlíinii nizhé'é yę́ę Nébukadnézzar yeidiní'ą́.

PHILIPPIANS 4:4

T'áá áłahjį' Bóhólníihii bee nihił dahózhǫ́. Náá'áłdó' ánáádísh'ní, Nihił dahózhǫ́!