PSALMS 85:3 - Navajo Bible

³ T'óó báhádzidgo bee atí'éł'íinii t'áá ałtso nahjį' nidííní'ą́; t'áá íiyisí náhóóchįįdígíí bits'ą́ąjį' ánéinidzaa.

PSALMS 85:3 ပူးပေါင်းရင်းမြစ်များ

II CHRONICLES 6:39

yá'ąąshdi kééhót'ínídę́ę́' bisodizin áádóó biná'ookąąh didííts'į́į́ł áádóó yiniyé ádaaníinii bá bi'íínísin doo índa nidine'é nich'į' ádił nida'iisíi'ii bá yóó'ahidí'aah doo.

PSALMS 106:23

Éí bąą, Áhodeeshdįįł, dííniid; doo ázhdoołdįįłígíí áádóó t'óó báhádzidgo bee atíjíł'íinii nahjį' kózhdoolíłígíí biniyé Mózes hach'ą́ą́h ííyá.

PSALMS 78:38

Nidi hó baa a'ááh jinízingo doo ákwii ádáát'įįdii bits'ádahizdeez'ą́ áádóó t'áadoo ádzísdįįd da; háháchį'ígíí t'áá ahą́ą́h t'ą́ą́' kóníjiil'įįh nít'éé' áádóó hashkéznídzinígíí t'ah yówehgo t'áadoo hashké náázniidzį́į' da.

EXODUS 32:22

Áko Éran ájíní, Shinanit'a'í, t'áadoo náháchį'go nił halchí'í; díí diné át'éii nił bééhózin; éí doo yá'át'éehii t'éí deidiniidzį́į́'.

ISAIAH 12:1

Éí bijį́įdi ádidííniił, Bóhólníihii nílíinii, nich'į' ahééh nisin dooleeł, háálá azhą́ shich'į' náhóóchįįd nidi, náhóóchįįdii nahjį' kwíinilaago t'óó shik'ééhwííníłtaa'.

ISAIAH 40:1

Shidine'é nihik'i dahata', nihik'i dahata' le', ní nihiDiyin God.

ISAIAH 40:2

Jerúsalem kin haal'á bik'i hółta'go yáníłti' áádóó yéego bich'į' ádíní, Nide áhoot'é yę́ę bíighah azlį́į́', índa doo ákwii íínít'įįdii nits'ánídeet'ą́, háálá nibąąhági át'éii biniinaa ahą́ą́h nániiláago Bóhólníihii atíniilaa, bidiní.

ISAIAH 6:7

áko shizábąąhgi yíidiyééłnáa'go ání, Jó, díí nizábąąhgi bíhidééłnáa'go ádił ni'iyínílzíi'ii índa nibąąhági át'éii nits'ánídeet'ą́.

JEREMIAH 50:20

Éí yoołkáałdi índa éí hoolzhishdi Ízrel dine'é yee ádił asiihii há'déest'į́į' doo, nidi ádin doo, áádóó Júdah dine'é yee ádił asiihii ch'ééh hádazhdídóo'įįł, háálá áádasísįįdii ádił nida'iisí'ígíí bá k'ééda'deeshchxǫǫł, ní Bóhólníihii.

EZEKIEL 16:63

Áko íínít'įįdii t'áá ałtso nits' ánídiní'ą́ągo íínít'įįdii béédíílnihgo índa t'óó bik'ee nił ahayói doo áádóó biniinaa ádaa yánínídzinígíí doo bee hanáádíídzih da, ní Bóhólníihii Diyin God.

JONAH 3:9

Háísh díí bił bééhózin? Diyin God daats'í łahgo át'éego tsíńdookos áádóó báhóóchįįdii łahgo át'éego ánéidoodlíiłgo da'át'é, áko doo ádiidįįł da.

MICAH 7:19

Nihaa a'ááh náádínóodzįįł; doo ákwii ádeiit'įįdii yik'eh didoodleeł áádóó yee ádił nida'iisíi'ii tónteel ditą́ą́ góyaa ahidííłtł'ił.

JOHN 1:29

Náábiiskání John, éí Jesus hach'į' yigáałgo jiiłtsą́, áko ázhdííniid, Jó'akon, Diyin God biDibé Yázhí jílíinii dahonół'į́, éí nihokáá' dine'é bibąąhági át'éii yóó'iidii'aahii jílį́!

DEUTERONOMY 13:17

Áko ádadooldįįłgo nideet'áanii ts'ídá doo nijilée da, áko Bóhólníihii yee hashké nídzinii bik'e'íyée'ii doo nihik'i hwiidooleeł da, nidi nihaa a'ááh dínóozįįł áádóó nihaa a'áhí dínóozįįł índa k'ee'ąą nooht'į́įłgo ánihidoolííł, ákót'éego danihizhé'é yę́ę yich'į' yee ádee hadoodzíí'.

DEUTERONOMY 32:43

Ał'ąą dine'é danohłíinii, Bóhólníihii bidine'é bił nihił nidahoozhǫǫh, háálá bá nidaal'a'í dabidił nidaashchxii'go ályaaígíí yá k'éédidoo'nííł índa bi'ana'í danilíinii k'éididoodlííł; bikéyah áádóó bidine'é yaa a'ááh dínóozįįł.