PSALMS 85:2 - Navajo Bible

² Nidine'é doo ákwii ádáát'įįdii bá yóó'adííní'ą́; ádił da'asziihii t'áá ałtso bá bik'i hwiiniziid. Síilah.

PSALMS 85:2 ပူးပေါင်းရင်းမြစ်များ

EZRA 1:2

Pérzha dine'é aláahgo binanit'a'í Sáíras kóní, Yá'ąąshdę́ę́' Bóhólníihii Diyin God nilíinii éí nahasdzáán bikáá'góó ts'ídá aláahgo bee óhólníihgo bił nahaz'áanii t'áá át'é sheidiní'ą́, áádóó Júdah kéyahgi Jerúsalem kin haal'áadi kin bá áńdeeshdlíiłgo yee shíhoos'níí'.

PSALMS 126:1

Bóhólníihii nihitahdóó dabi'disnánígíí Záíyanjį' néiní'eezhgo t'óó baa nidasiigeel nahalin silį́į́'.

PSALMS 32:1

Diné éí bee haz'áanii jiizti'ii há yóó'ańdoot'áanii, éí ádił ni'dziisíi'ii ałtso há bik'éé hoodziidii éí hoł hózhǫ́.

PSALMS 78:38

Nidi hó baa a'ááh jinízingo doo ákwii ádáát'įįdii bits'ádahizdeez'ą́ áádóó t'áadoo ádzísdįįd da; háháchį'ígíí t'áá ahą́ą́h t'ą́ą́' kóníjiil'įįh nít'éé' áádóó hashkéznídzinígíí t'ah yówehgo t'áadoo hashké náázniidzį́į' da.

JEREMIAH 50:20

Éí yoołkáałdi índa éí hoolzhishdi Ízrel dine'é yee ádił asiihii há'déest'į́į' doo, nidi ádin doo, áádóó Júdah dine'é yee ádił asiihii ch'ééh hádazhdídóo'įįł, háálá áádasísįįdii ádił nida'iisí'ígíí bá k'ééda'deeshchxǫǫł, ní Bóhólníihii.

MICAH 7:18

Háísh Diyin God nílínígi át'é? Éí bíí' danilíinii yidziihígíí doo ákwii ádáát'įįdii yá yóó'iidii'aah índa bee haz'áanii dayiitíihii yitis hidighááh. Doo hool'áágóó báháchį' da dooleeł, háálá aa a'ááh hasin bił hóshǫ́.

NUMBERS 14:19

Bá yóó'anídí'aah, baa nánooshkąąh; díí diné doo ákwii ádáát'įįdígíí bee aa a'ááh nínízinii ayóó át'éii bik'ehgo bá yóó'anídí'aah, áádóó Ííjip kéyahdóó ch'ínínáádóó díí jį́įjį' ákódaat'íinii bá yóó'anídiyí'aahígi át'éego yóó'anídí'aah.

ACTS 13:39

áádóó Mózes yee has'áanii binahjį' t'áá ałtsojį' t'áá ákogi ádanoht'éego Diyin God doo nihá haadziih át'éé nít'éé' yę́ę éí Jesus binahjį' t'ááłá'í jinítínígo da'joodláanii t'áá ákogi ádajít'éego Diyin God há haadzí'ígíí ałdó' nihił béédahózin le'.

COLOSSIANS 2:13

Nihí ádił nida'ayołzíhígíí bąą, áádóó niha'át'e' doo nahjį' eelgizhígíí biniinaa dasinoonáá nít'éé', nidi doo ákǫ́ǫ́ ádaahdzaa yę́ę t'áá ałtso Diyin God nihá yóó'iidíí'ą́, áádóó Christ bił hinááh ánídanihiidlaa.