PSALMS 83:3 - Navajo Bible

³ Binda'adlo'go nidine'é yindaha'á; níí' danilíinii ayóó'ííní'nínígíí yiniyé ahéédadiikahgo yaa nídaat'į́.

PSALMS 83:3 ပူးပေါင်းရင်းမြစ်များ

PSALMS 10:9

Náshdóítsoh bitsiijį' daditł'ooígíí be'a'áándę́ę́' héestį́ nahalingo doo hoot'į́į́dę́ę́' héestį́; bahojoobá'íii yił didoodił biniyé yaa héestį́; bahojoobá'íii tł'óół bee ódleehí yiih hini'ahgo yił didił.

PSALMS 2:1

Ha'át'íí lá biniyé ał'ąą dine'é ádá nídahojilchįįh, índa dadine'é éí t'áadoo biniyéhígóó nidahoji'á?

PSALMS 27:5

Háálá ach'į' nahwii'ná biyi' shíídíiską́ągo biníbaal biyi' góne' nínáshidił'į́įh doo; biníbaal biyi' doo hoot'į́įdi shinées'į́į' doo; tséghą́ą'jį' hashidoołtééł.

PSALMS 31:20

Diné yee indaha'áii bits'ąą nahont'inee honílǫ́ǫgi nidahoníł'in; saad bee ak'éhát'áahii bits'ąą hasih haz'ą́ągi nidahoníł'in.

PSALMS 56:6

Shiniyé ahínéiikah. Shaa nidahaakai; shii' sizíinii yaa héeshjée'go hidishááhgóó shikék'eh hashchíínígóó hadeisííd.

PSALMS 64:2

Diné doo yá'ádaashóonii t'áá nahont'inee shindaha'áago doo ákwii ádaaníiłii shide nídahidiikáahii bits'ąą náshidíł'įįh.

PSALMS 91:1

T'áá háiida Aláahgo Ayóó'át'éii binahont'ingo haz'ą́ągi kééhojit'ínígíí éí Aláahgo Ayóó'ábóodziilii bichaha'ohgi hojílǫ́ǫ doo.

EXODUS 1:10

Haa'íshą' baa dahoniidzą́ągo át'ée dooleełgi baa nídadíit'įįł, doodago t'áá k'ee'ąą náánoot'į́įłgo áádóó nihich'į' anaa' hazlį́į'go nihida'ana'í yił ałch'odadoo' niiłgo nihik'iidoojah, sha'shin, áko kéyahdóó ałtso yóó'anídahidoo'nééł.

COLOSSIANS 3:3

Háálá nihokáá' bił nidahazt'i'ii bits'ąą dasinoonáago k'ad Christ bił Diyin God bii' nídanihidi'dees'į́į́'.

I SAMUEL 13:19

Áko Ízrel dine'é bikéyah nahós'a'gi t'áá át'éé nít'éé' diné doo ła' béésh yitsidii nilį́į da, háálá Filístiya dine'é ádaaní, Hííbrew dine'é t'áá bí diltłish áádóó tsiidétáán ádá ádeidoolíiłgo da'át'é.