PSALMS 82:3 - Navajo Bible

³ Badahojoobá'íii áádóó áłchíní bizhé'é ádaadinii bich'ą́ą́h yádaałti'. Atídabi'dil'íinii áádóó hojooba' nahas'áanii ałdó' bich'į' t'áá ákódaahnííł.

PSALMS 82:3 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 29:12

háálá diné bahojoobá'ígíí daacha yę́ę índa áłchíní bizhé'é ádingo t'áadoo bíká oolyeedí da yę́ę yisdáhóójaa'.

JOB Naaltsoos Biyi' Job Baa Hane'ii 31:21

áádóó dáń'dítį́įhgi ándahwii'aahii shik'is dajílį́įgo bąą áłchíní bizhé'é ádaadinii bide ádahwíínísin ládą́ą́';

PSALMS 10:18

áko nihokáá' dine'é doo yéédaaldzid da doo biniyé áłchíní bizhé'é ádaadinii índa bide ádahoot'éii bá baa nánít'į́į doo.

EXODUS 23:3

Diné bahojoobá'ígo ádihodiilt'i'go doo bich'oha'níigo ádíílíił da.

EXODUS 23:6

Nihidiné badahojoobá'ígíí bide áhoot'éego baa hwiinít'íinii t'áadoo nanigizgo baa yáníłti'í.

PROVERBS 31:9

Bide ádahólzinii índa hojooba' nahas'áanii bá na'ak'íyáníłti'go t'áá ákogi át'éego bá baa nánít'į́.

ISAIAH 1:17

yá'át'ééh ó'oo'níiłii bídahooł'aah; doo haada yit'éii hádaaht'į́; bide ádahoot'éii bíká anídaahjah áádóó áłchíní bizhé'é ádaadinii bich'ą́ą́h yádaałti' índa asdzání bąąh ádahasdįįdii bá nída'oohkąąh.

ISAIAH 1:23

ninanit'a'í danilíinii nidaalteeh; da'ni'įįhii bik'is ádayiilaa; t'ááłá'í nítínígo bee naho'diiniihii bił ayóó ádahoot'é áádóó aa doolyéełii yíká ádił nídahodilchił; áłchíní bizhé'é ádaadinii doo yich'ą́ą́h yádaałti' da, doodaii' asdzání bąąh ádahasdįįdii t'áadoo le'é doo bá baa hwiinít'į́į da.

JEREMIAH 21:12

David bits'ą́ą́dóó ahoołchíiłii danohłíinii, Bóhólníihii kónihiłní, T'ah abínídą́ą́' doo haada yit'éii baa hohkááh, áádóó diné bigha'ílyáii bide áhósinii bits'ąą yisdádahohnííł. Éí doodaii' doo yá'áshónígi ádaat'ínígíí biniinaa sháháchį'ígíí kǫ' diltłi'ígíí nahalingo hadidoonoł, áádóó ła'da doo yidínóołtsis da.

JEREMIAH 22:16

Diné badahojoobá'íii áádóó hojooba' nahas'áanii yá atéét'įįd, áko díí kódzaaígíí t'áá ákóne' í'iilaa; éí ts'ídá shéého'dílzinii át'é, ní Bóhólníihii.

JEREMIAH 22:3

Bóhólníihii kóní, Doo haada yit'éii áádóó t'áá ákogi át'éii bee ánít'é áádóó éí diné bigha'ílyáii bide áhósinii bits'ąą yisdáhínííł, áádóó t'áadoo ni'iyísíhí; náánáłahdę́ę́' naagháii áádóó áłchíní bizhé'é ádaadinii índa asdzání bąąh ádahasdįįdii t'áadoo t'áá na'níle'dii áníł'íní, índa díí nahós'a'gi diné ła' t'áadoo ádihodiilt'i'ii diyoołhéełgo bidił bits'ánílį́įgo doo ádoolníił da.

JEREMIAH 5:28

Nidaneelk'aiigo bik'i nidazdiłtooł. Diné doo yá'ádaashóonii biláahgo ádił nida'iisííh. Áłchíní bizhé'é ádaadinii doo yaa ná'ádahodílt'į́į́góó t'áá bí t'éiyá da'ít'įįh. Hojooba' nahas'áanii bee bá nahaz'ánígíí doo yaa ná'ádahodílt'į́į da.

ZECHARIAH 7:9

T'áá ałtsoní bee Bóhólníihii ání, T'ááłá'í nootínígo t'áá aaníígóó nihik'is t'áá ákogi át'éego bá ádaoht'į́ áádóó baa dajiinohba' índa baa a'áhí danohsin le'.

DEUTERONOMY 10:18

Áádóó áłchíní bizhé'é ádaadinii índa asdzání bąąh ádahasdįįdii t'áá ákogi át'éego yá nihodii'aah, áádóó dé'éyóní danilíinii ayóó'áyó'níigo ch'iyáán áádóó éé' yee yaa jooba'.

DEUTERONOMY 24:17

Dé'éyóní, doodaii' áłchíní bizhé'é ádaadinii nabik'íyáti'go doo t'áá ádzaagóó bits'ą́ą́' nidoohgis da, áádóó asdzání bąąh áhásdįįdii bi'éé' doo bits'ą́ą́' ąąh nidoołtsos da.

JAMES 1:27

Áłchíní bizhé'é ádaadinii índa sáanii bąąh ádahasdįįdii bich'į' nidahwii'náago bíká aníjílwo'ígíí, índa nihokáa'gi bąąhági át'éii ádąąh jit'ínígíí éí Diyin God aTaa' nilíinii binááł nahadlá t'áá aaníinii índa t'áá ákogi át'éii át'é.