PSALMS 82:2 - Navajo Bible

² Haa nízáágóoshą' doo ákót'éégóó nidahoyoh'aah doo, áádóó diné doo yá'ádaashóonii nihił nilį́į doo? Síilah.

PSALMS 82:2 ပူးပေါင်းရင်းမြစ်များ

I KINGS 18:21

Áádóó Iiláíjah éí diné t'áá ałtso yich'į' niníyáago ání, Haa lá nízáágóó naakigo haz'ą́ bita' nidadinohdle' doo? Bóhólníihii éí Diyin God nilį́įgo bikéé' ninohkááh. Nidi Béíyal éí diyin át'é ládą́ą́' bikéé' ninohkááh. Áko diné łá'í nidi t'áadoo ła' hach'į' haadzíi' da.

II CHRONICLES 19:7

Éí bąą k'ad, Bóhólníihii dadíínóhsin, áádóó hazhó'ó baa nída'áhodółt'į́'ígo baa naahkai, háálá doo ákwii át'éii Bóhólníihii nihiDiyin God doo yee has'ą́ą da, doodaii' ał'ohgo ahaa nitsáhákeesii, doodaii' bee naho'diiniihii doo yee has'ą́ą da.

JOB Naaltsoos Biyi' Job Baa Hane'ii 32:21

Náánáła' diné bił hashne'go doo diné t'ááłá'íígíí bich'ijí nishłį́įgo hadeesdzih da, índa diné t'áadoo ádaat'éégóó dahayóí, doo dishníigo baa yáshti' da dooleeł.

JOB Naaltsoos Biyi' Job Baa Hane'ii 34:19

Éí naat'áanii dajílíinii doo aláahgo da'jílį́įgo haa nitsíkees da, índa diné bahojoobá'íii biláahgo diné ajit'íinii doo bił jílį́įgo haa nitsíkees da, háálá t'áá ádzíłtso Diyin God honaashnishii dajílį́.

PSALMS 62:3

Haa nízáágóó ach'į' nahwii'ná bee t'áá ánółtso diné bindahoh'áa doo? Áko tsé ahénátł'ingo nídíníizhoozhgo naałdaasígíí áádóó anít'i' diniitłóo'ii nahalingo bida'noołhį́.

EXODUS 10:3

Áko Mózes áádóó Éran éí Féro bił yah anáájoot'áazhgo ábizhdííniid, Bóhólníihii Hííbrew dine'é biDiyin God kóní, Haa nízáagishą' shich'į' síníltee'go doo shich'į' ayáhígo í'dílnéeh da doo? Shidine'é béé'níłnííh, áko shich'į' nidahałáa doo.

PROVERBS 18:5

Diné doo yá'áshóonii bich'ijí jílínígíí doo yá'át'éeh da, índa diné t'áá ákogi át'éii doo ákǫ́ǫ́ ájooł'įįłgóó doo yá'át'éeh da.

EZEKIEL 45:9

Bóhólníihii Diyin God kóní, Nihí Ízrel dine'é bitahgi naat'áanii nídaohdleehígíí ádił nida'iyohsíihgo hoolzhiizh éí k'adí; diné t'áadoo baa tįįh nídaahkahí; diné t'áadoo bich'į' nidahoyołnání; doo haa dayit'éégóó índa t'áá ákogi át'éego áda'oł'į́; kodóó shidine'é nida'iiléego doo łínáádadohcháash da, índa bikéyah doo yits'ánáádahidoo'néeł da, ní Bóhólníihii Diyin God.

LEVITICUS 19:15

Doo t'áá ákogi át'éii bee t'áadoo á nihodiyí'aahí; diné bahojoobá'íii t'áadoo a'ohgo nił nilíní, doodaii' diné ayóó át'éii t'áadoo a'ohgo nił nilíní, nidi t'áá ákogi át'éego bił kééhót'íinii bá nihodiyí'aah.

MATTHEW 17:17

Áko Jesus haadzíi'go áhodííniid, Doo da'iinohdláanii índa diné bízhą́ da'ílį́įgo ahoolchíiłii danohłíinii, haash nízáagi nihił honishłǫ́ǫ doo? Haash nízáagi nihich'į' ha'ííníshníi dooleeł? Níláhdę́ę́' hoł shaa nohkááh.

GALATIANS 2:6

Aląąjį' naazíinii ádajit'į́ dahodi'nínígíí, (doo haash yit'éegoda haa nitséskees da, Diyin God doo ła' a'ohgo yaa nitsékees da,) aląąjį' naazíinii dahodi'nínígíí t'áadoo ha'át'éhígoda shighą́ą́h dazh'deeshjée' da.

DEUTERONOMY 1:17

Aa hwiinít'į́įgo ánihwiit'aahgi diné doo ła' a'ohgo baa nitsídoohkos da, nidi a'ohgo í'dólzinii, doodaii' aláahgo í'dólzinii t'áá aheełt'éego yínółts'ą́ą́'; diné ánoolninígíí t'áadoo béédaałdzidí, háálá ánihodiit'aahígíí Diyin God bee bóhólnííh. Nidi ahé'éts'ihígíí nihá nantł'ago shaa didooh'áałgo hazhó'ó baa nídéesht'įįłgo hwíídéests'įįł.