PSALMS 81:3 - Navajo Bible3 Dah néitį́įhgo áádóó hááníbąsgo hodílzingo áłah ná'ádleeh bijį́į́ góne' deenásts'aa' bidee' bee í'dílzoołí nídadoołts'į́į́h. အခန်းကိုကြည့်ပါ။ |
PSALMS 81:3
23 ပူးပေါင်းရင်းမြစ်များ
Áko David éí Líívai dine'é yá aląąjį' naazíinii ábijiní, Nihí nihik'isóó ła' sin yee dahataałii nidahidoohniłgo sin yee nidaanéii, tsin tł'óół neeznáá bąąh daneelzhee'go bee nida'a'néii, tsin tł'óół naakits'áadah bąąh daneelzhee'go bee nida'a'néii índa béésh ahídí'niłgo ayóó'át'éego diits'a'ígíí yee nidaanéego bił dahózhǫ́ǫgo yéego dahataał doo.
Shebanáíyah, Jáshafat, Niithániyel, Amaséíyai, Zekaráíyah, Biinéíyah índa Eliyíízer daolyé; náá'iiłniihii danilį́įgo éí Diyin God bitsits'aa' dílzinii bilą́ąjį' béésh dilní bee í'dílzoołí yee ninádaa'neeh. Áádóó Óbed-íídam índa Jiiháíyah éí tsits'aa' dílzinii bich'į' yah a'atiinígi ał dó' yaa áhályání nilį́.
Náá'áłdó' David áádóó siláo dah deínéehii binanit'a'í danilíinii éí Éísaf biye'ké bits'ą́ą́dóó áádóó Hííman biye'ké bits'ą́ą́dóó índa Jedúthan biye'ké bits'ą́ą́dóó ła' tsin tł'óół naakits'áadah bąąh daneelzhee'go bee nida'a'néii áádóó tsin tł'óół neeznáá bąąh daneelzhee'go bee nida'a'néii áádóó béésh ahídí'niłgo diits'a'ígíí bee Diyin God yaa dahaniih doo biniyé ałts'ádabi'dee'nil; diné nidadoolnishii ánéelą́'ígíí t'éiyá bik'ehgo yindadoolnishii baa dahideest'ánígíí
Shoo, Bóhólníihii shiDiyin God bízhi' baa ha'niih doo biniyé bá kin áshłéehgo éí tsin bijeeh dilidgo łikání halchinii nááhániihii áádóó Diyin God bich'į' t'áá áłahjį' bááh nááhániihii índa didlidgo nááhániihii éí biyi' abínígo áádóó e'e'aahgo índa háá'áyį́į́h jį́į́ góne' áádóó dah néitį́įhgo índa Bóhólníihii nihiDiyin God bidiyingo áłah ná'ádleehii baa náhwiilzhíísh góne' Bóhólníihii binááł náádahaniih doo biniyé díí kin Bóhólníihii diyingo bá ats'ádideesh'ááł. Díí Ízrel dine'é bich'į' hool'áágóó bik'ehgo hoogáałii át'é.
áádóó Líívai dine'é t'áá ałtso éí dahataałígíí Éísaf, Hííman áádóó Jedúthan índa dabiye'ké áádóó dabik'is t'áá daabił áłts'óózígo yisdizígíí bee na'at'ą́hí łigaii dits'idgo ályaii yee hadadít'éego béésh ahídí'niłgo diits'a'ígíí, tsin tł'óół neeznáá bąąh daneelzhee'go bee nida'a'néii áádóó tsin tł'óół naakits'áadah bąąh daneelzhee'go bee nida'a'néii dah deíjáahgo bikáá' náá'iiniihí ha'a'aahjigo niní'áagi naazį́, áádóó t'ááłáhídi neeznádiindóó ba'aan naadiingo nááda'iiłniihii t'áá biłgo éí béésh dilní bee í'dílzoołí yee ádaaní.
Áádóó t'áá ákwíí jį́ Mózes yee haadzíi'ii bik'ehgo t'áá da'níłkéé' baa nídahwiilzhíishgo háá'áyį́į́h jį́ áádóó dah néitį́įhgo índa hodílzingo áłah nída'adleeh góne' éí díí t'ááł á'í nináháháahgo táadi ná'ádleeh; éí díík'ǫsh t'áágééd bááh ályaii áádóó Péntekast wolyéii índa chaha'ohgi hodílzingo áłah ná'ádleeh baa ninájíkah nít'éé'.
áádóó Bóhólníihii bich'į' didlidgo náádahidoołnihii ádadoohłíiłgo, éí didlidgo nááhániihii, doodaii' nááhániihii bee ádee hadaohdzíi'ii, doodaii' nááhániihii t'áá nihí ádeinohsingo nidadinoo'áanii, doodaii' hodílzingo áłah ná'ádleeh nídaoł'aahgo éí béégashii bitahdę́ę́' béégashii ła', doodaii' dibé bitahdę́ę́' dibé ła' nídidoohłóosgo Bóhólníihii bich'į' łikání halchingo náádahołniih doo,
Tsosts'id jį́ Bóhólníihii nihiDiyin God bich'į' hodílyingo áłah ná'ádleeh Bóhólníihii náhodidoo'áłígi nídaoł'aah doo, háálá Bóhólníihii nihiDiyin God nihik'iizhdoodliiłgo łą́ągo nínádanołt'į́hígíí t'áá át'é áádóó nihindaanishígíí t'áá át'é nihá bilááh ánáyoodlíił doo; éí bąą t'áá íiyisí nihił nidahoozhǫǫh doo.
ကြော်ငြာတွေ