PSALMS 81:2 - Navajo Bible

² Chánahgo dahohtaał, ásaa' yigádígíí dadoołts'a'. Tsin tł'óół naakits'áadah bąąh daneelzhee'go bee nida'a'néii índa tsin tł'óół neeznáá bąąh daneelzhee'go bee nida'a'néii bóóltą'go doołts'į́į́h.

PSALMS 81:2 ပူးပေါင်းရင်းမြစ်များ

PSALMS 92:3

Tsin tł'óół neeznáá bąąh daneelzhee'go bee nida'a'néii áádóó tsin tł'óół bąąh daneelzhee'go bee nida'a'néii índa tsin tł'óół naakits'áadah bąąh daneelzhee'go bee nida'a'néii bee Bóhólníihii baa hojiniihgo yá'át'ééh.

MARK 14:26

Áádóó sin ła' bee dahojíítáalgo, Dził Álivz hoolyéhígóó dashdiikai.

EXODUS 15:20

Áko Diyin God yá halne'ii Míriyam éí Éran bilah nilį́įgo ásaa' yilghaałígíí ła' néidii'ą́ągo asdzání t'áá ałtso ásaa' yilghaałígíí dayíjáahgo hoł da'ílzhíishgo hakéé' yikah.

JAMES 5:13

Nihitahgiísh ła'da bich'į' nahwii'ná? Bíni' éí sodilzin. Ła'daásh bił hózhǫ́? Bíni' éí Diyin God yaa haniihgo hataał.

COLOSSIANS 3:16

Haa'íyee' Christ bizaad lą'ígo bee ákidaahdláa le', bee hódzáanii t'áá ałtso bee ahidiníłnáago nida'ahinohtin, índa chánah áda'ahíínółzin, áádóó Diyin God bizaad biyi'dóó sin, áádóó sin bee Diyin God baa ha'niihii, índa ajooba' nihijéí bii' hólǫ́ǫgo Níłch'i Diyinii k'ehgo sin bee Bóhólníihii bich'į' dahohtaał.

EPHESIANS 5:19

Áádóó ałch'į' yádaałti'go Diyin God bizaad biyi'dóó sin, áádóó sin bee Diyin God baa ha'niihii, índa Níłch'i Diyinii bits'ą́ą́dę́ę́' sin nihijéí t'áá át'é bee Bóhólníihii baa dahohniihgo bich'į' dahohtaał.

II CHRONICLES 5:13

Áko béésh dilní bee í'dílzoołí yee ádaanínígíí áádóó dahataałígíí t'áá ła' Bóhólníihii yaa dahaniih áádóó yaa ahééh danízingo hodiists'ą́ą'go yéego hada'deez'ą́ągo béésh dilní bee í'dílzoołí yee nidaanéhígíí áádóó béésh ahídí'niłgo diits'a'ígíí índa sin yee nidaanéii náádaała' yee yaa dahaniihgo ádaaní, Bóhólníihii éí yá'át'éehii nilį́, áádóó aa a'ááh nízingo ahóyéel'á. Nít'éé' Bóhólníihii bikin bii' sohodizin góne' k'os ni' nihisheegizh.

NEHEMIAH 12:42

índa Méíyasíyah, Shiiméíyah, Eliyéízar, Ázai, Jiihohéínan, Malkáíyah, Íílam índa Íízer yił naazį́. Áko sin yee dahataałii éí bibóhólníihii Jezraháíyah yił ts'ídá yéego dahóótáál.

PSALMS 59:17

Shidziilgo áshíínísinii, nich'į' hashtaał doo. Háálá shiDiyin God bine' ahinishchéehii shá nilį́, jó'akon. Diyin God shaa a'ááh nízinii nilį́.