PSALMS 8:4 - Navajo Bible

⁴ diné wolyéiishą' ha'át'íí nilį́įgo baa nitsíníkees, índa nihokáá' dine'éshą' ha'át'íí át'éego baa áhólyą́?

PSALMS 8:4 ပူးပေါင်းရင်းမြစ်များ

GENESIS 1:1

Hodeeyáádą́ą́' Diyin God yót'ááh hiníláii índa nahasdzáán áyiilaa.

GENESIS 1:14

Náá'ákóne' Diyin God ánáádoo'niid, Yádiłhił biyi'di bee da'dinídíinii dahólǫ́ǫ doo, áko éí jį́ índa tł'éé' ałts'ánéi'nił doo; éidí bee ééhózinii át'ée doo; éidí bik'ehgo ahééhwiidáah doo áádóó niyiiłkaah doo, índa nináháháah dooleeł,

GENESIS 19:35

Áko t'áá éí bitł'éé' bizhé'é wáin nááyiyííłdlą́ą'go akéédę́ę́' jílínígíí nízhdiina'go hazhé'é bił jineezhtéézh, áko hwíighah neeztínígíí índa náádii'na'gi nidi t'áadoo hoł bééhoozin da.

GENESIS 21:1

Áko Bóhólníihii t'áá ádííniidígi át'éego Sárah yaa naneeztą́ą́', áko t'áá haadzí'ígi át'éego Sárah yá yi'iilaa.

II CHRONICLES 6:18

Nidi Diyin God nilíiniísh t'áá aaníí nahasdzáán yikáa'gi dine'é yił kééhat'į́į doo? Jó, yádiłhił índa yá'ąąsh t'áá náhwiist'ą́ą́ nít'éé' doo nihóoghah da, índa díí kin ná áshłaaígíí ádiyooshéhí yee'.

JOB Naaltsoos Biyi' Job Baa Hane'ii 25:6

Áádóó t'ah náábíláahgo diné éí ch'osh nahalingo t'óó haa'ih, índa diné bits'ą́ą́dóó hodzizlį́į'go ch'osh nahalingo t'óó haa'ih.

JOB Naaltsoos Biyi' Job Baa Hane'ii 7:17

Dinéshą' ha'át'íí át'éego ayóó át'éii nilį́įgo íínísin áádóó baa nitsíníkees

PSALMS 106:4

Bóhólníihii nílíinii, nidine'é bee bich'oni'nínígíí bee shéénílniihgo shí ałdó' yisdáshíłteeh.

PSALMS 136:5

Yaa hóyą́ągo yádiłhił áyiilaii bich'į', háálá aa a'ááh nízingo ahóyéel'á.

PSALMS 136:9

Ooljéé' áádóó sǫ' éí tł'éé' bee bídahólníihgo áyiilaii bich'į', háálá aa a'ááh nízingo ahóyéel'á.

PSALMS 144:3

Bóhólníihii nílíinii, dinéshą' ha'át'íí át'éego nił nilį́įgo baa nitsíníkees; nihokáá' dine'éshą' ha'át'íí át'éego atisgo baa nitsíníkees?

PSALMS 146:3

Naat'áanii t'áadoo baa dadzíínóhłíhí índa t'áadoo áká oolyeed át'éii diné danilíinii t'áadoo baa dadzíínóhłíhí.

PSALMS 19:2

T'áá ákwíí jį́ yáłti', índa t'áá ákwíí tł'éé' Diyin God ił ééhózin yit'íní áyoolííł.

PSALMS 4:2

Bíla' ashdla'ii danohłíinii, haa nízáágóó lá bee ił nishłíinii t'óó baa yáhásinígi shits'ą́ą́' ádaał'į́į doo? Saad t'áadoo nilíníishą' haa nízáagi ayóó'ádeínóh'níi doo, índa wooch'ííd hádaaht'į́į doo? Síilah.

PSALMS 80:17

Ninish'náájí diné sizíinii éí diné silį́į'ii bidziilgo íinilaaígíí ádá nííníłtíinii éí bik'i dah dínílnii' le'!

PSALMS 96:5

Háálá ał'ąą dine'é yich'į' nidahałáii t'áá ałtso t'óó e'elyaii ádaat'éego doo dadiyin da, nidi Bóhólníihii éí yót'ááh hiníláii áyiilaa.

EXODUS 4:31

Áko diné da'oosdląąd, áádóó Bóhólníihii éí Ízrel dine'é yaa honíle'ígíí índa ti'dahooníihgo yaa ákoniizį́'ígíí yaa dahodiizts'ą́ą́', ákohgo yaa ádaadzaago yich'į' nidahasá.

ISAIAH 40:17

Binááł ał'ąą dine'é t'áá ádzíłtso t'áadoo dajílíní da; t'áadoo dajílínígóó índa t'áadoo nídazhdoodleełígóó haa nitsíkees.

ISAIAH 51:12

Shí, t'áá aaníí shí nihił náhooshǫǫł; háísh ánít'į́įgo diné dadootsaałii áádóó diné biye' éí tł'oh nahalingo ábidi'doolníiłii bééníldzid?

EZEKIEL 8:15

Áádóó áshidííniid, Diné nílíinii, díísh yiniłtsą́? Díí deiniłtsánígíí t'ah bilááh át'éhígo t'áá íiyisí doo daaldinii yaa nidaakaigo néidííłtsééł.

MATTHEW 8:20

Áko Jesus áháłní, Mą'ii dootł'izhí be'a'áán dahólǫ́, áádóó tsídii wódahgo nidaat'a'ígíí bit'oh dahólǫ́, nidi Diné Silį́į'ii éí t'áadoo nizhnót'áałgi da.

LUKE 1:68

Bóhólníihii, Ízrel biDiyin God éí baa ha'niih! Háálá bidine'é yaa níyáago nááyiisnii'go hááyoo'nil,

LUKE 19:44

áádóó niyi'di kéédahat'ínígíí t'áá bił ni'jį' andi'yoolghą́ą́ł, índa tsé t'ááłá'í nidi doo ałk'i dah si'ą́ą́góó ádeidoolíłígíí éí bił neidoołkááł, háálá Diyin God naa níyáhígíí t'áadoo baa ákoninizį́į' da.

I PETER 2:12

Doo Jew dine'é danilíinii bitahgóó niha'át'e' ádaadingo dahinohnáa le'. Áko bąąhági ádaaníiłii k'ehgo nihaa yádaałti' nidi yá'át'éehgo ádaahníłígíí yaa ákodahiniizįįhgo Diyin God bik'i hoole'go yaa dahaniih doo.