PSALMS 8:3 - Navajo Bible

³ Niyót'ááh hiníláii nísh'į́įgo, níla' bee binishínílnishii, ooljéé' índa sǫ' ádaat'éii, dah dasínínilii baa nitséskeesgo

PSALMS 8:3 ပူးပေါင်းရင်းမြစ်များ

GENESIS 1:1

Hodeeyáádą́ą́' Diyin God yót'ááh hiníláii índa nahasdzáán áyiilaa.

JOB Naaltsoos Biyi' Job Baa Hane'ii 22:12

Diyin God yee' yá'ąąsh alááh ánízáadi hólǫ́. Dego díní'į́į'go sǫ' doo deighánídi naaznilígíí níníł'į́!

JOB Naaltsoos Biyi' Job Baa Hane'ii 25:3

Bidiyingo nidaal'a'í dah deínéehii ánéelą́'ígíísh bééhózin? Háishą' bits'ą́ą́dóó adinídínígíí doo bee bik'i'diidíin da?

JOB Naaltsoos Biyi' Job Baa Hane'ii 25:5

Jó, Diyin God binááł ooljéé' nidi doo hazhó'ó adiníłdíin da, áádóó sǫ'ígíí doo yá'ádaat'éehii át'éego yiníł'į́.

JOB Naaltsoos Biyi' Job Baa Hane'ii 36:24

Shą́ą́', Diyin God binaanish bee diné baa dahaniihgo dahótálígíí éí bee Diyin God baa hóniih.

PSALMS 104:19

Ahééhwiidááh biniyé ooljéé' áyiilaa. Jį́honaa'éí anádáahgo baa náhwiilzhíshígíí t'áá bí bił bééhózin.

PSALMS 111:2

Bóhólníihii binaanish ayóó ádaat'é; bił dahoneełninii t'áá ałtso hadeisíidgo nideiłkaah.

PSALMS 148:3

Jį́honaa'éí índa ooljéé', sǫ' nihídazdilidii t'áá ánółtso, baa dahohniih!

PSALMS 19:1

Yót'áahdi hiníláii éí Diyin God yee ayóó át'éii yaa dahalne', áádóó yádiłhił éí Diyin God bíla' yee yinaashnishii ííshjání áyósin.

PSALMS 33:6

Bóhólníihii t'óó haadzíi'go yádiłhił hazlį́į́', índa hayol bee hadziidziihgo yádiłhił biyi'di dahiníláii t'áá át'é dahazlį́į́'.

PSALMS 89:11

Yádiłhił áádóó yá'ąąsh éí níí', nahasdzáán ałdó' níí'; nahasdzáán áádóó bii' dahólóonii t'áá ałtso íinilaago nííní'ą́.

EXODUS 31:18

Áádóó índa Dził Sáínai bighą́ą'di Diyin God ałtso Mózes yich'į' haadzíi'go tsé dilkǫǫhii naakigo bikáa'gi neeznáago bik'eh ó'oo'níiłii bee bééhániihii Mózes yeinínil; éí Diyin God t'áá bí bíla' yee yik'e'ashchį́.

EXODUS 8:19

Ákohgo álíleego áda'ooł'įįłii éí Féro ádeidííniid, Díí Diyin God bíla' yee át'į́į́ lá, nidi Féro bijéí yítł'isgo doo hwíists'ą́ą' da; Bóhólníihii ádííniidígi áhoodzaa.

LUKE 11:20

Nidi Diyin God bílázhoozh bee níłch'i bida'iiníziinii ayi'dę́ę́' hahinishkaadgo, áko éí bee t'áadoo bahat'aadí Diyin God bee bóhólníihgo bił haz'áanii bił nihaa honíyá.

ROMANS 1:20

T'áá nahasdzáán áyiilaadóó wóshdę́ę́' bibee adziil doo ninít'i'ii índa yee diyinii doo yee yit'į́į da nidi, ádayiilaaígíí bee t'áadoo bahat'aadí baa ákohwiinidzin. Áko béé'ádahozhdilyáah dooleełígíí ts'ídá doo bohónéedzą́ą da.

DEUTERONOMY 4:19

Áádóó yá bich'į' dadínóh'į́į'go jį́honaa'éí áádóó tł'éhonaa'éí índa sǫ' t'áá éí yót'ááh dahiníláii t'áá ałtso bich'į' nahojóła'ígi la' át'é; bá nijól'a'ígi la' át'é t'áadoo danohsiní; jó, éí Bóhólníihii nihiDiyin God nilíinii yádiłhił biyaagi ał'ąą dine'é t'áá ałtso yá áyiilaa.