PSALMS 8:2 - Navajo Bible

² Anadanił'íinii índa k'éédideesh'nííł danízinii dabididííłhił biniyé nik'ijį' danilíinii bąą áłchíní yázhí índa awéé' t'ahdii da'ałt'o'ii ne'adziilii yaa dahaniihgo íínísin.

PSALMS 8:2 ပူးပေါင်းရင်းမြစ်များ

PSALMS 148:13

Bíni'dii Bóhólníihii bízhi' yaa dahaniih, háálá bí bízhi' t'éiyá ts'ídá aláahgo át'éii át'é; nahasdzáán índa yádiłhił biláahgo Bóhólníihii ayóó át'éii nilį́.

PSALMS 4:4

Nihił daayée'go ádił nida'ayohsííh lágo; nihijéí bii'di nabik'ítsídaołkeesgo hasht'edadinoht'éego nihitsásk'eh bikáá' nisootį́. Síilah.

PSALMS 44:16

Háálá shá nidahałt'i'go saad shich'į' adayiiníiłgo dashódziih áádóó ana'í índa k'éédidoo'níiłii biniinaa t'óó ádaa yániisdzį́į́'.

PSALMS 46:10

Hasht'edíínít'é; shí Diyin God nishłį́įgo nił bééhodoozįįł. Ał'ąą dine'é bitahgóó ayóó ánísht'éego áshidi'doolnííł; nahasdzáán bikáa'gi ałdó' ayóó ánísht'éego áshidi'doolnííł.

PSALMS 57:6

Yishááłgóó łoh shiniyé ninádei'ááh. Shii' sizíinii bąąh nááháka'. Shidáahdi shá hadahwiizgeed, nidi t'áá bí yiih náníídee'. Síilah.

EXODUS 11:7

Nidi Ízrel dine'é bich'į'go éí łééchąą'í nidi doo ła' hashkénídzin da doo; diné índa alį́į́' bich'į' nidi dooda, áko díí nihił béédahodoozįįł: Bóhólníihii éí Ííjip dine'é índa Ízrel dine'é doo aheełt'éii át'ée daígíí ííshjání áyósin.

EXODUS 15:16

Yéé' índa náhádzid bik'iidooldoh; nigaan ayóó át'éii bik'ee tsé doo haamáasii nahalingo doo nidajii'náa da doo, Bóhólníihii nílíinii, nidine'é háíní'nilígíí tsé'naa niikaijį' ákót'ée doo.

ISAIAH 40:31

nidi Diyin God yiba' ádaat'éii éí biinéí nídaadleełgo dabidziil doo; atsá nahalingo wót'ááh nídahodidleeh doo; ahaa yikahgo doo ch'ééh dadikáah da doo, índa deíjeehgo doo ch'ééh dadikáah da doo.

ISAIAH 6:3

Áádóó ahidiníłnáago ałch'į' ádaaníigo kódaaní, T'áá ałtsoní bee Bóhólníihii éí diyin, diyin, diyin nilį́; nihokáá'góó t'áá át'é yee ayóó át'éii hólǫ́.

AMOS 5:9

Éí dziil yik'ijį' nilį́įgo ó'oołdįįł, áko bine' nida'adzi'ii ałtso niyiiłchxǫǫh.

HABAKKUK 2:20

Nidi Bóhólníihii éí bikin bii' sohodizin diyinii yii' hólǫ́. Háni'dii binááł nihokáá' dine'é t'áá át'é bił hodéesyéel le'.

MATTHEW 11:25

Áko íídą́ą́' Jesus haadzíi'go ádííniid, ShiTaa', yá'ąąsh índa nahasdzáán bee Nóhólníihii, nich'į' ahééh nisin, háálá díidí dahóyáanii áádóó ídahooł'ą́ą'ii bits'ąą nídíníł'į́į́', nidi áłchínígi ádaat'éii t'éí bił ííshją́ą́ ádeinilaa;

MATTHEW 21:16

áko Jesus ádeidííniid, Díí ádaanínígíísh dints'a'? Áko Jesus áhodííniid, Aoo', da' kóhá'nínígíísh t'ah doo dayínółta' da? Áłchíní yázhí índa awéé' t'ahdii da'ałt'o'ii aa ha'niih t'áá ákogi át'éii yee yádaałti'go íinilaa.

LUKE 10:21

T'áá éí hoolzhishígíí biyi' Níłch'i Diyinii bee hoł hózhǫ́ǫgo ázhdííniid, ShiTaa', yá'ąąsh índa nahasdzáán bee Nóhólníihii, nich'į' ahééh nisin, háálá díidí dahóyáanii áádóó ídahooł'ą́ą'ii bits'ąą nídíníł'į́į́', nidi áłchínígi ádaat'éii t'éí bił ííshją́ą́ ádeinilaa; t'áá aaníí, shiTaa', háálá éí nił yá'át'éehgo bee íinínízinígíí át'é.

I CORINTHIANS 1:27

Nidi nihokáa'gi t'óó bá nidahat'i'ii Diyin God nábiilááh, nihokáá' dine'é dahóyáanii t'óó ádaa yádadínóodzįįł biniyé, áádóó doo dabidziilígíí ałdó' náyiilááh, éí ayóó ádaat'éii t'óó ádaa yádadínóodzįįł biniyé.

I SAMUEL 2:9

Bidiyį́į́' danilíinii deíkááhgóó yaa áhályą́, nidi doo yá'ádaashóonii éí chahałheeł yii' dadéesxéel doo, háálá diné bibee adziilii doo yee ak'eh doodleeł da.